Shkenca thotë: puna juaj e keqe po ju shkatërron - Business Magazine Albania

Shkenca thotë: puna juaj e keqe po ju shkatërron

~4 minuta lexim


Ajo që shumë njerëz nuk e dinë, është se kënaqësia e punës – duke filluar qysh në fundin e të 20-ave dhe fillimin e të 30-ve – në fakt ka një ndikim tepër të rëndësishëm në jetën tonë dhe mbi shëndetin e përgjithshëm në vitet tona të mëvonshme. Edhe pse ata që ishin më pak të kënaqur me punën e tyre kanë shprehur se puna e tyre ka pasur ndikim në shëndetin e tyre mendor, drejtimin e kënaqësisë në punë – nëse shkonte më mirë ose më keq – kishte një efekt bindës në shëndetin fizik gjithashtu.

Për fat të mirë, një studim i kohëve të fundit tregon se ata që fillojnë me ndjenja negative ndaj punës së tyre, por që në fund përfundojnë shumë të kënaqur që karriera e tyre ka përparuar, nuk kanë të njëjtat probleme shëndetësore si ata që kanë në përgjithësi një rënie të kënaqësisë së punës. Jonathan Dirlam, student i Sociologjisë në Universitetin Shtetëror të Ohajos dhe autori kryesor i studimit, ndau me ne që punët e hershme ishin më të rëndësishme për përcaktimin e shëndetit në fillim të të 40-ve.

Në fund të fundit, studiuesit kanë vendosur se, nga katër grupe që raportojnë nivele të ndryshme të kënaqësisë në punë gjatë gjithë karrierës së tyre, ata që janë në “grupin e ulët të kënaqësisë” raportojnë rezultatet më të këqija në të gjitha shkallët e shëndetit mendor. Ata treguan nivele të larta të depresionit, rritje në problemet e gjumit, merak dhe ankth më të madh.

Disa efekte negative shëndetësore fizike ishin gjithashtu të dukshme, sipas raportit. Njerëzit të cilët ishin raportuar në grupin e personave me kenaqësi më të ulët kishin probleme të tilla si rritja e dhimbjeve të shpinës dhe ftohje më të shpeshta se sa grupi me kënaqshmëri më të lartë. Shëndeti i përgjithshëm fizik nuk ndryshonte shumë mes grupeve, veçanërisht në diagnostikimet afatgjata shëndetsore si kanceri apo diabeti.

Hui Zheng, profesor i psikologjisë në Universitetin e Ohajos, paralajmëron se në studim janë vetëm pjesëmarrësit në të 40-tat e hershme. “Nivelet më të larta të problemeve të shëndetit mendor për ata me kënaqësi të ulët të punës mund të jenë një shenjë paralajmëruese për problemet e ardhshme fizike”, tha Zheng. Megjithatë, ai paralajmëron se “Rritja e ankthit dhe depresionit mund të çojë në probleme kardiovaskulare apo probleme të tjera shëndetësore që nuk do të shfaqen deri sa ata të jenë të vjetër.”

 

burimi: inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0