Genti Kuburi është një ish-Bankier, Zyrtar Raportues i Pasqyrave Financiare me një histori të mirëndërtuar të punës në industrinë bankare. I aftë në Standardet Ndërkombëtare të Raportimit Financiar (IFRS), Menaxhimi i Llogarive, Analiza e të Dhënave dhe Barazimi i Llogarive. Profesionist i fortë financiar i fokusuar në Shërbimet Bankare dhe Mbështetëse Financiare. Aktualisht punon si Revenue Manager në addCar International.
Më poshtë ai ka shprehur në shifra një analizë mbi mbetjen në vend-numëro të pagave në Shqipëri.
*Opinion mbi shifra nga Genti Kuburi
Mesatarisht një individ i mbaron studimet e ciklit BACHELOR në moshën 21-22 vjec, ndërkohë studimet e ciklit MASTER në moshën 23-24 vjeç. Që pas kësaj moshe(në mos edhe më herët), fillon jeta ‘profesionale’ duke u punësuar.
Personat të cilët kanë 15 vite eksperience pune janë përafërsisht 36-39 vjeç.
Nëqoftëse puna ka filluar me pagën 42.000 ALL bruto, atëherë vetëm duke u indeksuar me normën e INFLACIONIT, paga bruto duhet te ishte 59.823 ALL(2006-2021). Kryesisht neper kompani ka dhe promovime apo ri-titullizime(në bazë të pozicionit ose eksperiencës).
Lexo edhe: Pasioni dhe paga: Si të krijoni një balance mes tyre?
Një individ që sapo ka filluar punën titullohet JUNIOR, ndërkohe mesatarisht pas 2 vitesh merr titullin SPECIALIST(që është promovim). Pas mesatarisht 3 vitesh merr titullin SENIOR(5 vite ne total), dhe përafërsisht mbas 3 vitesh(në varësi të rrethanave) promovohet dhe në pozicionin e HEAD OF UNIT.
Në varësi të kompanive, promovimi vlerësohet sipas skemave(përafërsisht):
JUNIOR – SPECIALIST (0-20.000 ALL)
SPECIALIST – SENIOR (0-20.000 ALL)
SENIOR – HEAD OF UNIT (0-30.000 ALL)
Duke marre për bazë këtë simulim, një person i cili nis me pagën bruto 42.000 ALL, arrin këto paga:
SPECIALIST – 64.255 ALL
SENIOR – 88.099 ALL
HEAD OF UNIT – 121.631 ALL
Nëqoftëse çdo vit paga do te indeksohej me normën e INFLACIONIT, atëherë në fund të 15 viteve do të kishin një page BRUTO 137.848 ALL dhe NET 108.389 ALL(foto e bashkëngjitur).
INFLACIONI nga viti 2006 – 2021 është rritur me 42%(sipas shifrave zyrtare).
Thënë këto me sipër, kohët e fundit shumë kompani kanë vlerësuar me anën e postimeve te tyre, stafin ‘besnik’, i cili ka qëndruar mbi 10 apo 15 vite me to.
Shumë nga këto individ as që i afrohen pagës prej 100.000 ALL NET.
Të gjithë punonjësit duhet të mendojnë në mënyrë të ZGJUAR.
VLERESIMI dhe RESPEKTI me i madh është: SHPERBLIMI.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
