Si për individët e bizneset edhe për shtetet vlen i njëjti rregull. Kush të gjendet në kohë të vështira?
Coronavirus po nxjerr në pah në mënyrë të dukshme marrëdhëniet, solidaritetin (edhe atë të munguar) dhe si po përballet secili vend me një situatë të tillë të pazakontë.
Italia është një prej shteteve të prekur më shumë nga Covid 19 dhe edhe pse e papërgatitur për një situatë të tillë, mes vështirësh të mëdha nuk u gjunjëzua. Mbështetjet, të kërkuara kryesisht në insitutcionet qëndrore të BE-së, po e gjen tek vende të tjera të largëta, apo edhe të vogla si Shqipëria.
Të gjithë e pamë vlerësimin e kryeministrit italian, përfaqësuesve të opozitës, figurave të njohura të artit dhe mediat për dërgimin e 30 mjekëve dhe infermierëve tanë.
Sot Italia ka marrë një mbështetje prej 100 milionë dollarësh nga Shtetet e Bashkuara të Amerikës. Vetë SHBA po futet gjithashtu në vështirësi të madhe shëndetësore e sociale. Vendi ka tashmë numrin më të madh të të infektuarve në Botë.
Edhe kur je në kushte të vështira mund t’i japësh dorën dikujt që gjendet edhe më në vështirësi se ty. Italia e bëri vetë këtë pak ditë më parë. Ndërsa kishte një bilanc lufte me mbi 700 të vdekur në ditë nga Covid, ajo dërgoi mbështetje në Kroaci, Zagreb kur me 22 Mars, u godit nga një tërmet i fortë me dëme materiale.
Lexo: Shqipëria dërgon mjekë e infermierë në Itali
Presidenti Donald Trump ka theksuar se, Italia po kalon një periudhë të vështirë.
Kryeministri Italian Giuseppe Conte ka shkruar në Twitter rreth bisedës miqësore të zhvilluar me Trump. Ai shprehu mirënjohje për solidaritetin dhe mbështetjen e miqve amerikanë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
