Nga monitorimet gjatë muajve Korrik-Gusht të zhvillura nga ekipet e Ministrisë së Zhvillimit Ekonomik dhe Turizmit në vijën bregdetare të vendit ka rezultuar se ka ndotje të theksuar për shkak se pushuesit nuk kujdesen që mbeturinat të hidhen në koshat e vendosura posaçërisht në plazhe.
Për këtë arsye ministria në bashkëpunim me Agjensinë Kombëtare të Turizmit nisi nga Himara, Jala, Dhërmiu dhe Drymades aksionin sensibilizues çadër më çadër duke shpërndarë qese plastike, pushuesve për hedhjen e mbeturinave.
Ministrja Milva Ekonomi lidhur me këtë aksion theksoi se është përgjegjësi e secilit të kujdeset për pastërtinë e plazheve pasi në fund të ditës është në interes të vetë pushuesve, të cilët rikthehen një ditë më pas në po të njëjtat plazhe.
Nëpërmjet një statusi të postuar në rrjetin social Twitter, ministrja Milva Ekonomi thotë se janë 18% më shumë vizitorë të huaj për periudhën 1 Qershor-10 Gusht 2016 në portin e Vlorës dhe Sarandës krahasuar me të njëjtën periudhë të 2015-ës. Megjithatë sipas saj sfida e pastërtisë së plazheve mbetet një sfidë e përbashkët mes pushtetit vendor që menaxhon stacionet e plazheve dhe vetë qytetarëve.
/burimi: time.ikub.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
