Ajo është padyshim një prej logove më të famshme në botë dhe zbukuron çdo Iphone, Ipad dhe Mac. Por, ajo që nuk kemi ditur deri më tani mbi logon e kompanisë Apple është një sekret në dizenjimin e saj.
Një vëzhgues symprehtë në TikTok, ka zbuluar se është në fakt një “iluzion që përdor një seri rrathësh të përkryer”.
Pra, logoja nuk është fare ajo që duket, por një iluzion optik që e kishim pasur prej vitesh nën hundë dhe nuk ishte kuptuar.
Dizenjatori i njohur në rrjetin TikTok , Thomas Stevens ka zbuluar së fundmi në një video mënyrën e saktë sesi është krijuar Apple logo, duke pretenduar se përbëhet vetëm nga rrathë të përkryer, në kundërshtim me pretendimet e bëra nga dizenjatori Rob Janoff.
Stevens tregon fillimisht sesi ndërtohet ‘kafshimi’ i mollës në formë rrethi, dhe më pas një seri rrathësh të tjerë kombinohen për të krijuar bishtin e mollës dhe harqet e tjera të frytit.
Lexo edhe: Apple së shpejti me opsionin e blerjeve duke prekur së bashku dy iPhone
Disa pretendonin se Apple tentonte të përdorte ‘të përpjesshmen e artë’ në dizajnin e saj, që është raporti matematik e gjeometrik i gjetur në krijimet e natyrës që shpesh krijon dizajnet më të kënaqshme për syrin e njeriut.
“Edhe logo e Windows është e krijuar me kuadrate të përkryer,” shkruante një përdorues, duke iu referuar logos në formë dritareje të Microsoft.
Qoftë kjo apo jo e vërtetë, dizajneri Rob Janoff, thotë se e ka krijuar atë duke prerë copa nga një mollë e vërtetë e duke i mbledhur më pas së bashku.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto