Samsung lançon super telefonin Galaxy A7 me tre kamera
Përditësuar së fundmi: 20/09/2018

Samsung lançon super telefonin Galaxy A7 me tre kamera

Share
nga Neada Muçaj
Sht 20, 2018

Një ditë pasi zbuloi fotot e telefonit Samsung Galaxy A7 dhe kamerës së tij të trefishtë, kompania e hodhi menjëherë në treg këtë produkt.

Por kjo do të thotë se Samsung ka diçka tjetër për të zbuluar në 11 tetor, apo jo?

Kemi akoma kohë për ta zbuluar, por fillimisht i hedhim një sy super telefonit Galaxy A7.

Telefoni përshkruhet si një aparat fotografik i vogël. Ai ka një ekran 6 inç, 2,220×1,080 Super AMOLED, një proçesor octa-core, 4/6GB RAM dhe një memorie 64/128GB, një 3,300mAh bateri dhe Android 8.0.

Kamerat, janë veçantia e tij më e madhe. Në pjesën e pasme ai ka një kamera 24-megapixel F1.7 e shoqëruar me një 8-megapixel, F2.4 ultra e gjerë, sensorë 120 gradë dhe një 5-megapixel, me sensor të thellë F2.2 (për fotot portret). Në pjesën e pasme, ai ka vetëm një kamera 24-megapixel, F2.0.

E gjithë kjo teknologji do të lejojë përdoruesit e Galaxy A7 të bëjnë truke të shumta, si rregullimi i efektit bokeh gjatë kapjes së fotografisë. Sensori kryesor i A7 mund të kombinojë katër piksel në një për të marrë fotografi më të mira në mjedise me dritë të dobët, dhe Scene Optimizeri inteligjent Samsung është gjithashtu në bord.

Samsung Galaxy A7 është i disponueshëm në katër ngjyra: blu, e zezë, gold dhe rozë. Telefoni pritet të bëhet pjesë e tregut Evropian dhe Aziatik këtë vjeshtë; por çmimi ende nuk dihet.

Samsung thotë se do ta “festojë lançimin” e një “anëtari të ri në familjen galaxy” më 11 Tetor. A mund të ketë A9 katër kamera? Duhet të presim javën e ardhshme për të parë.

/Mashable


Evente

Seminar për “Negociatat dhe Shitjet B2B”

Dhjetor 19, 2018
9 AM – 5:30 PM