Samsung do sjellë gjithë aplikacionet e tij Android në iOS

Samsung është duke planifikuar për të sjellë pothuajse të gjitha aplikacionet e tij Android në iOS, sipas asaj që raporton TechSot.al. Të gjithë aplikacionet me të cilat përdoruesit e Galaxy janë të familjarizuar, duke përfshirë S Health dhe Gear Fit Manager mendohen të jenë në listë.

Samsung ka konfirmuar tashmë planet për të sjellë aplikacionin e tij Gear Manager për iPhone, i cili do të lejojë lidhjen mes orës së zgjuar së kompanisë Koreane Gear S2. Tani TechSot.al raporton se shumë të tjerë janë rrugës.

Një nga ato është Gear Fit Manager, i cili do të lejojë përdoruesit të kombinojnë iPhone me një Gear Fit, aplikacion i cili shërben për të gjurmuar aktivitetin tuaj fizik. Samsung gjithashtu pritet të sjellë S Health për iPhone, i cili do ju japë përdoruesve një alternativë kundrejt platformës së Shëndetit (Health) të Apple.

Gjithashtu priten të portohen dhe aplikacionet që shoqërojn Galaxy View, Remote Control dhe Family Square, të cilat lejojnë përdoruesit për të kontrolluar tabletët e mëdha në distancë.

“Ka plane gjithashtu për lançimin e aplikacionit Level për pajisjet audio të Samsung Level, të cilët do t’i mundësojnë përdoruesit të iPhone për të përdorur këto pajisje dhe të vënë në përdorim efekte të ndryshme.

“Samsung është gjithashtu duke punuar në një version më të ri të aplikacionit Smart Camera për iOS, i cili mund të sjellë një UI të rikonstruktuar (diçka që ne mendojmë se është krejtësisht e nevojshme).”

Është e paqartë se kur këto aplikacione priten të vijnë në iOS, por me shumë gjasa jo të gjithë do të mbërrijë në të njëjtën kohë. Gear Fit Manager, e cili mund të ndihmojë Samsung të shesë pajisjet e tij Gear Fit, ka të ngjarë të jetë më i favorizuari, i cili ndiqet më pas nga S Health dhe më pas pjesa tjetër e formacionit.

Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.