Samsung dhe BlackBerry po bashkëpunojnë për të ndërtuar një tablet që ata e quajnë ‘spyproof’, si përgjigje e një kërkese të bërë nga qeveria gjermane për ruajtjen e informacioneve të saj.
Kjo nuk është hera e parë që dy kompani të ndryshme elektronike bashkohen për të ndërtuar pajisje të sigurisë së lartë. Vitin e kaluar Samsung, Blackberry dhe IBM ndërtuan një version të modifikuar të Galaxy Tab S 10.5 e cila pretendohej të ishte gjithashtu një pajisje shumë e sigurtë, që nuk mund të përgjohej. Ajo u quajt SecuTablet dhe shitej për 2,380 dollarë.
Ndërsa pajisja e re qo do të ndërtojnë dy kompanitë, do të jetë një Samsung Galaxy Tab S2 i modifikuar që do të përmbajë edhe një kartë sigurie. Nga BlackBerry ajo do të marrë sistemin e kodimit dhe programet e çertifikuara dhe nga Samsung, programin e sigurisë Knox.
Akoma nuk dihet sa do të shitet pajisja që Samsung dhe Blackberry po ndërtojnë për qeverinë gjermane.
Burimi: krokodili.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English