Pasaporta është dokumenti i nevojshëm për udhëtimet ndërkombëtare. Por sa vlen pasaporta jonë?
Raporti i fundit i Henley & Partners tregon se Shqipëria renditet në vendin e 48-të në Botë përsa i përket vlerës së pasaportës së saj. Renditja bëhet në varësi të numrit të vendeve ku mund të udhëtohet vetëm me pasaportë, pa pasur nevojë për vizë.
Me pasaportën shqiptare mund të udhëtohet pa vizë në 114 shtete. Krahasuar me një vit më parë Shqipëria është përmirësuar tetë vende në renditje. Ajo ishte në vendin e 56-të.
Në renditje, fqinjët tanë nga Maqedonia, Mali i Zi dhe Bosnja paraqiten më lart, duke treguar se me pasaportat e tyre, udhëtohet pa vizë në më shumë vende.
Ju mund të lexoni edhe: Cila është pasaporta më e fuqishme në botë?
Pasaporta më e vlefshme në Botë, është ajo e Japonisë. Japonezët kanë të drejtë të hyjnë pa vizë në 189 nga 218 shtete gjithsej. Gjermania renditet në vendin e dytë, ku ka zbritur edhe Singapori, të dyja vendet me 188 shtete.
Renditja behet në varësi të numrit të vendeve ku nuk nevojitet vizë. Kështu, në vend të tretë renditet disa shtete si Finlanda, Italia, Franca, Suedia etj. Ato kanë të njëjtin numër shtetesh që mund të vizitojnë vetëm me pasaportë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English