Sa e kam rrogën? - Business Magazine Albania

Sa e kam rrogën?

Bëhu gati të përdorësh imagjinatën. Le të krijojmë një situatë hipotetike ku ti gjendesh në një zyrë dhe po bën një intervistë pune. Ndërsa ai/ajo, që pretendon të kesh epror në të ardhmen, të merr në pyetje në mënyrë të hollësishme për të testuar sa i/e aftë je, vjen koha kur ti ke të drejtë të bësh pyetje.

Pavarësisht se mundohesh të mos e mendosh pyetja “Sa e kam rrogën?” të vërtitet në kokë dhe është totalisht normale pasi edhe statistikat sugjerojnë se rreth 52% e njerëzve, që kërkojnë punë, bëjnë një kërkim para intervistës në lidhje me pagesat e punonjësve të kompanisë ndër vite. Megjithatë, kjo nuk ndalon që brenda kokës tënde të krijohet një debat që zhvillohet pakashum kështu:

Lexo edhe: 7 arsyet pse punonjësit më të mirë japin dorëheqjen, edhe kur ata e pëlqejnë punën që bëjnë

  • Pse të mos e pyes? Është llogjike që përderisa do të kryej një shërbim specifik, do të marr një shpërblim të caktuar për këtë gjë. Përpos kësaj 1 nga 5 komponentët kryesorë që çdo njeri në kërkim të një pune merr në konsideratë është pagesa mujore (4 komponentët e tjerë janë: rritja në karrierë; oraret e punës; vendndodhja; dhe kultura apo vlerat e kompanisë).
  • Po sikur të jap përshtypjen që e vetmja gjë që më intereson të marr mbrapsht nga kjo punë është paga në fund të muajit? Paratë janë gjithçka që vlen dhe asgjë tjetër, as eksperienca e punës, as aftësitë e reja që do të zhvilloj, as edhe feedback-u njerëzor që mund të jetë edhe një letër rekomandimi e thjeshtë nga punëdhënësi në përmbyllje të marrëdhënieve të punës. Mos vallë kjo do të më bëjë të dukem si njeri i cekët e materialist?
  • Pse duhet të dukem e tillë? Në fund të fundit paraja u krijua si mjet këmbimi që tregon vlerën e një shërbimi apo produkti të caktuar. Nëse në vend të parasë si mjet këmbimi do të përdornim ndjesitë, po njësoj do të pyesnim për sasinë e ndjesive me të cilat do të shpërbleheshim.

Padyshim që “paga me ndjesi” do të komplikonte shumë hallka në sektorë të tjerë të ekonomisë, megjithatë do të na bënte ne (humanët), më pak materialistë.

  • Po sikur kjo pyetje të më ulë pikë në krahasim me aplikantët e tjerë konkurentë për të njëjtin pozicion pune ashtu si unë?
  • Nuk ka pse, pasi paraja shërben si motivator. Jetojmë në kohën e kapitalizmit, ku arsyeja kryesore pse punonjësit janë prezantuar me idenë e bonuseve (komponent i cili konsiderohet si më i rëndësishmi në pagën totale nga 62% e punonjësve që e posedojnë këtë alternativë pune) është sepse jo të gjithë e bëjnë punën njësoj dhe për pasojë edhe pagat duhet të jenë të diferencuara. Duke ditur që unë mund të fitoj më shumë, nëse punoj më shumë dhe kam rendiment të kënaqshëm edhe unë jam më i/e motivuar për të investuar më shumë nga koha dhe energjia ime në arritjen e këtij qëllimi.

 

Ky debat vazhdon me po të njëjtin intensitet deri sa të marrësh një vendim. Duhet thënë se të dy zërat brenda kokës tënde ofrojnë disa argumenta mjaft të qëndrueshëm dhe lehtësisht të vërtetueshëm, por në fund je ti që duhet të bësh zgjedhjen tënde. Je ti që duhet të vendosësh nëse do ta pyesësh apo jo për pagën, punëdhënësin tënd pontencial. Cilado qoftë zgjedhja jote, sigurohu të shprehesh qartë dhe të mos lësh hapësirë për keqkuptime. Në fund të fundit, frika e keqkuptimeve që ndjekin pyetjen “Sa e kam rrogën?” është shkaktarja fillestare e këtij debati.

Artikull nga Megi Nika – Kontribuese pranë Business Mag Albania
(Opinionet dhe mendimet e reflektuara nga kontribuesit nuk reflektojnë domosdoshmërisht orientimin e redaksisë)

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0