Rusia ka hapur një çështje penale kundër Meta Platforms, pasi rrjeti social ndryshoi rregullat e gjuhës së urrejtjes, duke lejuar përdoruesit të bëjnë thirrje për “vdekjen e pushtuesve rusë” në kontekstin e luftës me Ukrainën.
Prokurorët rusë i kërkuan një gjykate që ta përcaktonte gjigantin e teknologjisë amerikane si një “organizatë ekstremiste” dhe rregullatori i komunikimit tha se po kufizonte aksesin edhe në Instagram.
“Është nisur një çështje penale në lidhje me thirrjet e paligjshme për vrasje dhe dhunë ndaj shtetasve të Federatës Ruse nga punonjës të kompanisë amerikane Meta, e cila zotëron rrjetet sociale Facebook dhe Instagram”, tha Komiteti Hetues i Rusisë.
Komiteti i raporton drejtpërdrejt Presidentit Vladimir Putin. Nuk ishte e qartë se cilat mund të ishin pasojat e çështjes penale.
Reuters bëri një kërkesë për koment nga Meta, por asnjë koment nuk ishte i disponueshëm nga kompania.
Dy javë pas luftës së Rusisë në Ukrainë, një zëdhënës i Meta tha të enjten se kompania kishte lehtësuar përkohësisht rregullat e saj për fjalimet politike, duke lejuar postime duke bërë thirrje për “vdekjen e pushtuesve rusë”, megjithëse nuk do të lejonte thirrjet për dhunë kundër civilëve rusë.
Meta tha se ndryshimi i përkohshëm synonte të lejonte forma të shprehjes politike, që normalisht do të shkelnin rregullat. Bordi Mbikëqyrës tha të premten se po ndiqte nga afër luftën në Ukrainë dhe se si po përgjigjet kompania Meta.
Sipas Reuters, emailet e brendshme të Meta-s, tregonin se kompania amerikane kishte lejuar përkohësisht postime që bënin thirrje për vdekjen e Putinit ose presidentit bjellorus, Alexander Lukashenko.
“Shpresojmë që të mos jetë e vërtetë, pasi nëse është e vërtetë, do të thotë se do të duhet të merren masat më vendimtare për t’i dhënë fund aktiviteteve të kësaj kompanie”, tha zëdhënësi i Kremlinit, Dmitry Peskov.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
