Kompania mëmë e aplikacionit të takimeve Tinder dhe Hinge ka njoftuar se do të ndalojë së funksionuari në Rusi, më shumë se një vit pasi shpërtheu lufta në Ukrainë.
Match Group tha se markat e saj po ndërmerrnin hapa për të “kufizuar aksesin” në shërbime dhe do të tërhiqen plotësisht nga tregu rus deri më 30 qershor.
Njoftimi vjen pasi shumë kompani globale ndërprenë lidhjet me Rusinë pas pushtimit në shkurt 2022.
Kompania amerikane e bëri njoftimin në raportin e saj vjetor të martën, duke shtuar se ishte “e angazhuar për të mbrojtur të drejtat e njeriut”.
Në javët e para nga sulmi i Ukrainës nga Vladimir Putin, shumë firma perëndimore njoftuan se do të pezullonin aktivitetet në Rusi ose do të tërhiqeshin krejtësisht nga vendi.
Lexo edhe: Si do të dukeshin logot e Tinder, Starbucks dhe Burger King në Mesjetë?
Ndërsa presioni nga konsumatorët u rrit, McDonald’s, Coca-Cola, Starbucks dhe Heineken njoftuan se po ndërpresin lidhjet.
Match Group, markat e të cilit përfshijnë faqe të tjera takimesh si Plenty of Fish, ka bërë pak deklarata publike në lidhje me operacionet e saj ruse.
Kompania, e cila punëson më shumë se 2,700 veta staf në mbarë botën, megjithatë ka pasur zhvillime negative në biznesin e saj europian në mars 2022, sipas agjencisë së lajmeve Reuters.
Match Group pretendon se Tinder është “aplikacioni më i popullarizuar në botë për të takuar njerëz të rinj”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
