Më 20 Tetor, për të disatain vit rradhazi u organizua Maratona e Tiranës. Fondacioni Down Syndrome Albania iu bashkangjit kësaj maratone me edicionin e 4-ët të fushatës së tyre ndërgjegjësuese dhe për mbledhje fondesh “Garo, Mbështet si Maratonomak – #RunForDSA”. Tetori është njëkohësisht dhe muaji i vetëdijësimit mbi sindromën Down.
Përmes fondeve të mbledhura nga kjo fushatë, Fondacioni mundëson shërbimet terapeutike për fëmijët me aftësi të kufizuara (me sindromën Down, Autizëm, sindroma të tjera të rralla, çrregullime gjuhësore e vonesa të tjera në zhvillim) nga familje me vështirësi ekonomike që frekuentojnë Qendrën e Shërbimeve PRO PAK të Fondacionit. Fondet mblidhen nga dhurues biznesi, që bashkohen si sponsor të fushatës, si dhe dhurues individë të cilët mund të dhurojnë online në website të fondacionit Down Syndrome Albania, apo duke blerë produktet promocionale të kësaj fushate.
Në këtë edicion të fushatës u bashkangjitën me kauzën mbi 170 garues dhe u mblodhën 18.580 Euro fonde. Ekipi “Run For DSA” arriti të fitojë dhe çmimin “Grupi me pjesëmarrjen më të madhe” i cili u akordua nga organizatorë e Maratonës së Tiranës. Përveçse nga Shqipëria, garuesit që iu bashkuan fushatës ishin nga Kosova, Maqedonia e Veriut, Anglia, Italia, Gjermania dhe Zvicra.
Mes bizneseve dhuruese të këtij edicioni ishin: Sisal Digital Hub Albania, Alumil Albania, Business Magazine, Vega Group, Pro Credit Bank, Ultra Courier, Mega Brands, Fondacioni “Zoja e Këshillit të Mirë”, Rent From Locals, Mediterranean Spices, Geah Belle, InterFiber, Global Albanians Foundation, Fix, EasyPay & RIA Money Transfer, Elite Travel Group, De’Milia Barbers (UK), Best Seller, Klinika Dermatologjike A-Derma, Century 21 Astoria, Disios Motor Services (UK), Pastiçeri Dajana, Tirana Dental Aesthetic, Megah Predictive Cardiology, Medical Rapid Solution dhe Raenla Online Shop.
Partnerët me kontribut “in-kind” për DSA për organizimin e kësaj fushate në 4 vite janë: BEA Marketing and Promotion, DBS Group dhe Dominer që mundëson sigurimin e bluzave për garuesit e fushatës.
Konceptuesi i kësaj nisme për DSA është Daniel Nikolla, një i ri emigrant që jeton e punon si marketer në Angli, njëkohësisht themelues dhe drejtues i Merx Marketing UK. Risia që solli vetë Danieli në këtë edicion është që garoi i veshur si një dinosaur, duke u bërë mjaft viral në mediat sociale.
Për vitin që vjen, në jubileun e 5-të të kësaj nisme, Daniel Nikolla dhe Emanuela Zaimi që është drejtuese e Fondacionit, synojnë të arrijnë një komunitet prej 500 garuesish që i bashkangjiten kauzës si dhe mbledhjen e 50.000 euro për t’ju ardhur në ndihmë me shërbime terapeutike 50 fëmijëve me aftësi të kufizuara.
Business Magazine Albania mbështet këtë fushatë dhe prej vitesh çdo përpjekje të Fondacionit Down Syndrome Albania për të çuar përpara misionin e tyre.
Inkurajojmë bizneset dhe individët të dhurojnë për fondacionin sa herë ta kenë të mundur.
Për të kontribuar mund të klikoni në këtë link: https://www.dsalbania.org/index.php/kontribuoni-tani 
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
