U prit me shumë entuziazëm, por u shoqërua edhe me shumë debate. Rruga e Kombit, është një nga veprat infrastrukturore më të mëdha të Shqipërisë. Famëkeqe për shkak të debateve për koston e ndërtimit të saj dhe akuza për abuzim me fondet, ajo u krijua për të lehtësuar lëvizjen midis 2 shteteve dhe më shumë.
Ajo u ndërtua me taksat e qytetarëve dhe si e tillë, të gjithë ishim tepër të lumtur që ishte më e lehtë tashmë të shkonim në Kosovë. Nga ana tjetër, turistët nga Kosova, zënë pjesën më të madhë të turistëve jo me pasaportë Shqiptare në Shqipëri. Gjithashtu kjo rrugë solli edhe rritjen e shkëmbimeve tregëtare midis dy vendeve. Rruga e Kombit, por edhe lehtësitë në kufi, bënë që lëvizja nga një vend në tjetrin të ishte tepër e lehtë. Diferenca e vetme ishte se e kuptoje që ishe në Kosovë kur shpejtësia e lejuar ishte deri në 130km/h. Gjithashtu, edhe rruga ishte e një standarti tjetër.
Por, vitin që shkoi qeveria shqiptare për mirëmbajtjen e rrugës dhe dhënien me konçesion. Ndonëse me debate të mëdha, tashmë i gjithë ky është një realitet. Rruga e ndërtuar me taksa, tashmë “taksohet” përsëri. Dhe kjo me çmime të ngjashme me ato të vendeve shumë më të zhvilluara.
Konkretisht, sipas publikimeve:
- Klasi A (mjetet me 2 rrota) – 2,5 Euro.
- Klasi B C D (veturat dhe minivan) – 5 Euro
- Klasi E F (autobusët me 6 rrota) – 11,25 Euro
- Klasi G (kamionët e mesëm) – 16,25 Euro
- Klasi H (kamionët me mbi 4 akse) – 22,5 Euro
Ndonëse dikush që përdor automjetin e tij personal nuk supozohet të jetë dikush me të ardhura 210 euro në muaj dhe dikush që e përdor për tregti, nuk i kushton falimentin, çmimi është thuajse i njëjtë sa ai në Francës. Ndërkohë, shqiptarët paguajnë taksë qarkullimi tek karburanti dhe pagesë vjetore të automjetit.
E ndërtuar për të qenë një rrugë publike, sipas kontratës, qeveria do t’u detyrohet kompanive konçesionare vlerën e mbetur nëse të ardhurat nuk janë ato të parashikuara. Kjo, mund të lërë vend për abuzime gjithashtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English