Rritja stratosferike e çmimit të energjisë që po mundon pjesë të ndryshme të botës, iu faturua në pjesë të madhe konfliktit në Ukrainë. Por presidenti amerikan Joe Biden thotë se edhe po abuzohet në emër të luftës.
Shefi i Shtëpisë së Bardhë i kërkoi hapur kompanive të karburantit dhe gazit që të përdorin fitimet e tyre në nivele rekord për të ulur kostot për amerikanët, si dhe të rrisin prodhimin, ose në të kundërt, të paguajnë një nivel më të lartë taksash.
Lexo edhe: Konfindustria: kriza e energjisë të parashikohet në buxhet me masa konkrete
“Kompanitë e kryesore të naftës që po nxjerrin fitime të mëdha, ndërsa amerikanët, të lodhur nga inflacioni, po paguajnë shuma të konsiderueshme për të furnizuar makinat e tyre. Industria e naftës nuk e ka përmbushur zotimin e saj për të investuar në Amerikë dhe për të mbështetur popullin amerikan. Ata nuk po nxjerrin thjesht fitimet që u takojnë, ata po nxjerrin fitime aq të mëdha sa është e vështirë të besohet.” – u shpreh presidenti amerikan Joe Biden.
Mendoj se e gjithë kjo është revoltuese, u shpreh Biden që duke marrë haptazi krahun e konsumatorëve tha se nëse këto fitime do t`u kalonin atyre, çmimi i benzinës do të ulej me rreth 50 centë. Pas kësaj, erdhi dhe kërcënimi për firmat abuzuese.
“Nëse nuk e bëjnë këtë, atëherë do të paguajnë një taksë më të lartë mbi fitimet e tyre të tepërta. Është koha që këto kompani ta ndalin përfitimin e tyre nga lufta.’ – tha më tej presidenti amerikan Biden.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
