Rritja masive e rrjetit social Tiktok ka filluar të ngadalësohet
Përditësuar së fundmi: 05/11/2019

Rritja masive e rrjetit social Tiktok ka filluar të ngadalësohet

Share
nga Eridon Elshani
Nën 05, 2019
-Manages Business Mag Kosovo
lexo me teper >

TikTok është bërë një fenomen në internet, duke pësuar rritjen më të madhe për një kohë shumë të shkurtër.

Platforma fillimisht është lancuar në Kinë më 2016, ndërsa u bë globale një vit më vonë, duke grumbulluar më se 500 milionë ndjekës, ndërsa në total ka mbi 1.5 miliardë ndjekës.

Formati hibrid në mes të Vine dhe YouTube, ka bërë që videot në TikTok të jenë atraktive dhe shumë të popullarizuara tek të rinjtë.

Por, të dhënat e fundit nga SensorTower, tregojnë se ky rrjet social ka pësuar rënie në çerekun e fundit të këtij viti. Gjatë muajit shtator, ka pasur 177 milionë shkarkime, që është për katër për qind më pak se muajin e njëjtë të vitit të kaluar.

Rënia e përdorimit të TikTok mund të shkaktohet nga shpenzimi i tepërt i Facebook-ut në reklamimin e platformës së vet, në mënyrë që të mbledhë sa më shumë përdorues të rinj në moshë.

TikTok, shumë përdorues i ka mbledhur duke reklamuar në Facebook, por kohët e fundit nuk është duke shpenzuar aq shumë sa dikur dhe interesimi ka rënë. Megjithëse është një fenomen botëror, kritikat e shumta që janë bërë së fundi për TikTok, mund t’ia zbehin popullaritetin dhe ndjekësit të largohen.

Qeveria e Shteteve të Bashkuara, e ka kritikuar TikTok për mënyrën e marrjes së të dhënave dhe qeveria e Kinës e ka kritikuar për lejimin e shfaqjes së disa pamjeve nga protestat në Hong Kong.

TheVerge