Ushqimet vijojnë të kryesojnë rritjen e çmimeve prej muajsh, ndërsa së fundi, inflacioni është rritur sipas INSTAT, edhe për shkak të rritjes së çmimit të ujit të pijshëm.
Gjatë muajit shkurt 2018, indeksi vjetor i çmimeve të konsumit ishte 2,1 %, nivel ky më i lartë i shënuar në tetë muajt e fundit. Një vit më parë ky ndryshim ishte 2,2 %, sipas INSTAT.
Por, pavarësisht rritjes, indeksi mbetet poshtë objektivit të shënjestruar të Bankës së Shqipërisë prej 3%.
Niveli i ulët prej vitesh tashmë, është pasqyrë e nivelit të ulët të konsumit. Pothuajse e njëjta situatë edhe në vendet nga ku importojmë, çmimet nuk kanë shënuar rritje të dukshëm, duke e ndihmuar tregun të mos rëndohet nga një inflacion i lartë i importuar.
Ekonomistët ndërkombëtare dhe ekspertë të FAO-s paralajmërojnë ndërkohë se ky cikël i çmimeve përgjithësisht të ulëta nuk do të zgjasë për shumë kohë, dhe pritet të shoqërohet me rritje çmimesh vitet e ardhshme. Rritja e çmimeve nuk është një lajm i mirë për konsumatorët, por prodhuesit i ndihmon të investojnë e të përmirësojnë prodhimin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
