Cristiano Ronaldo, i surprizoi të gjithë me veprimin para startit të konferencës për shtyp në prag të sfidës ndaj Hungarisë, që Portugalia do të zhvillojë në orën 18:00.
Ylli i Juventusit, në momentin e mbërritjes në sallën e konferencës, teksa po akomodohej në vendin e tij, menjëherë sapo u ul, largoi nga tavolina, dy shishet e Coca-Colës, që ishin vendosur për reklamë. CR7 ka preferuar të tregojë shishet e ujit, duke dhënë një mesazh të qartë për të gjithë, që të konsumojnë ujë dhe jo Coca-Cola.
Cristiano Ronaldo dihet që kur flitet për dietë dhe gjëra që duhet të konsumohen, është i fiksuar në maksimum dhe shpesh e ka thënë dhe se do të donte që djali i tij të mos pinte pije me gaz si coca-cola. Një veprim i guximshëm ky i portugezit, i cili ka injoruar kështu një nga sponsorët e EURO 2020.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
