Robotët do të prodhojnë robotë në Kinë

ABB është mes kompanive robotike në të zhvilluara në botë. Në fabrikën e saj në Kinë, robotët do të prodhojnë robotë. Grupi zviceran i inxhinierëve ka bërë të ditur se fabrika me vlerë 150 milionë dollarë do të nisë punën në Shangai brenda vitit 2020.

Sipas Reuters, fabrika do të prodhojë robotë për tregun kinez por edhe për Azinë në tërësi. Pas SHBA-ve, Kina është tregu i dytë për ABB. Drejtori ekzekutiv i kompanisë, Ulrich Spiesshofer tha se “Shanghai është bërë një qendër jetike për udhëheqjen e teknologjisë së përparuar, për ABB dhe botën”.

Si shumë kompani që operojnë në tregun global, ABB po shërben në fushën e robotikës, duke u përpjekur të shmangë tensionet tregtare me Shtetet e Bashkuara. Me rritjen e pagave edhe Kina po fillon të ulë fuqinë njerëzore punëtore. Sipas ABB, vitin e kaluar, një nga çdo tre robotë të shitur në botë shkoi në Kinë, ose më saktë 138,000 njësi.

Sipas njoftimit zyrtar të kompanisë, fabrika e re e ABB-së me 75,000 metra katrorë do të përdorë softuer që do të lejojë njerëzit dhe robotët të punojnë në mënyrë të sigurt në afërsi. Sipas kompanisë, robotët YuMi janë të projektuar të punojnë përkrah njerëzve.

Një zëdhënës i kompanisë tha se detyra e tyre kryesore është mbledhja e pjesëve të vogla të nevojshme për prodhimin e një roboti ABB. Robotët industrialë të ABB që përdoren për të ndërtuar automobilë, dhe për të mbledhur pajisje elektronike, do të ndërtojnë robotë për industri të shumta në fabrikën e Shangait.

https://youtu.be/LSkjHCXbfg4