Rivalët e BMW dhe Daimler po shpenzojnë 1 miliard dollarë për të ardhmen e transportit

BMW dhe Daimler po investojnë më shumë se 1 miliard dollarë në një sipërmarrje të përbashkët, e cila do të përmirësojë shërbimet në ngarkimin dhe parkimin e makinave. Prodhuesit rivalë të makinave gjermanë të premte në Berlin njoftuan investimin, duke e përshkruar biznesin e tyre të lëvizshmërisë si një “global game changer” që mund të ndihmojë në menaxhimin e sfidave nga rritjet, përfshirë këtu edhe Uber.

“Shërbimet tona të lëvizshmërisë  kanë zhvilluar një bazë të fortë tek konsumatorët dhe tani jemi gati për hapin strategjik,- u shpreh për CNN shefi i Daimler Dieter Zetsche.

Sipërmarrja është një shembull se si prodhuesit e automjeteve po formojnë partneritete për të shpërndarë kostot e zhvillimit të teknologjisë përfshirë këtu sistemet e automjeteve lëvizëse dhe platformat e veturave elektrike.

Kompanitë njoftuan qëllimin e tyre për të bashkuar forcat në Mars të 2018, por kërkohej miratimi i planit rregullator. BMW  dhe Daimler janë të fokusuar në 5 fusha: ndarjen e punës në tregun e prodhimit të makinave, ngasjen, ngarkimin dhe transportin multimodal, i cili u lejon udhëtarëve të përdorin metoda të shumta të transportit në një udhëtim të vetëm.

“Këto 5 shërbime do të bashkohen edhe më shumë, me qëllim krijimin e një platforme të vetme të mobilitetit. Bashkëpunimi është e vetmja mënyrë për të patur rritje në treg. Ndërkohë që investimet do të ndahen”- shprehet shefi i BMW  Harald Kruger.

Edhe kompanitë tjera të prodhimit të makinave kanë filluar bashkëpunimet.

Ford dhe Volkswagen njoftuan një plan në janar për të ndërtuar mjete së bashku. Kompanitë gjithashtu kanë rënë dakord se si do të procedojnë më tej për të zhvilluar automjetet e të ardhmes. Trendi i bashkëpunimit është përshpejtuar gjithashtu edhe nga kompanitë e teknologjisë, Google dhe Uber. Ndërhyrjet e reja si Tesla dhe kombinime të reja, si përpjekja e përbashkët e General Motors, SoftBank dhe Honda, gjithashtu mund të trondisin të ardhmen e industrisë.

CNN