Nëse Instagrami është shkaku kryesor i humbjes së kohës, aplikacioni së shpejti do t’ju vijë në ndihmë.
Instagram do të shtojë një opsion që ju njofton kur keni kaluar limitin e kohës në aplikacion.
Një menu e re do t’ju lejojë të monitoroni kohën që kaloni në aplikacion, me një tabelë që mat përdorimin ditor gjatë një jave. Aty ju mund të aktivizoni “alarmin ditor”, duke vendosur limitet ditore për aplikacionin. Në momentin që ky limit arrihet, në ekranin e telefonit tuaj do të merrni një njoftim.
Zyrtarisht nuk dihet se kur do të lançohet ky opsion, por kompania tregon se është në fazat e testimit.
Megjithëse Instagram nuk i ka konfirmuar ende këto veçori, CEO Kevin Systrom më parë deklaroi se kompania po punonte për disa karakteristika që synojnë të ndihmojnë përdoruesin për “si ndikon koha e shpenzuar në internet te njerëzit”.
Opsionet e reja të monitorimit të përdorimit të Instagram vijnë pasi kompanitë e teknologjisë po përballen me një presion gjithmonë në rritje për të zvogëluar varësinë ndaj produkteve të tyre.
Më herët këtë vit, Google njoftoi se versioni i ardhshëm i Android, Android P, do të vijë me monitorimin e aplikacioneve dhe opsionin e limitit kohor. Apple iOS 12 gjithashtu do të shfaqë edhe statistika më të detajuara të përdorimit dhe aftësinë për të vendosur afate kohore për aplikacione specifike.
/Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
