Në një takim me përfaqësues të tatimorë, Dhoma Amerikane e Tregtisë ka ngritur shqetësimin e vonesave në rimbursimin e TVSH-së.
Presidenti i Dhomës Mark Crawford, tha se ky problem nuk është zgjidhur akoma ndërsa shqetësimi është përsëritur tek administrata tatimore në mënyrë të vazhdueshme.
Zv/Drejtori i Tatimeve Xhavit Curri tha se është krijuar një drejtori e posaçme për procedurën e rimbursimit të TVSH. “Ka një rregullore shumë strikte për rimbursimin e TVSH. Nuk ka cedim nga këto rregulla dhe afate”, tha ai duke theksuar se bëhet përjashtim në dy raste: kur tatimpaguesi zgjidhet nga sistemi si subjekt me risk dhe duhet të kontrollohet, (kontroll që zgjat rreth 20 ditë) dhe së dyti, kur nga miratimi i shumës deri në kalim në llogari, ka pasur një sfazim në kohë”.
Sipas Currit, rimbursimi i TVSH-së ka qenë më i lartë në 2018-ën, duke arritur në rreth 14.5 mld lekë TVSh. Ai spegoi se është krijuar një vonesë deri në 6 muaj nga momenti i miratimit dhe kalimi i fondit. “Po kërkojmë një zgjidhje për të sheshuar shqetësimet e tatimpaguesit”përmes një plani më real me Ministrinë e Financave, më të madh për të ardhurat dhe një plan për rimbursim më të madh se sa është planifikuar, në rreth 19 miliardë lekë.
Shqetësime të tjera për sipërmarrësit amerikanë dhe shqiptarëo-amerikanë në vendin tonë janë: konkurrenca e pandershme, evazioni fiskal dhe apelimi i vendimeve në Drejtorinë e Apelimit Tatimor.
Së fundi, edhe përfaqësi të tjera biznesi janë ankuar por vonesat e rimbursimit të TVSH-së. Industria e fasonit, është shprehur se ka raste kur TVSH e pa rimburisuar ka arritur në një vit, ndërsa detyrimi ligjor është vetëm një muaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
