Rikthehet vëmendja tek Venus. 4 misione gjatë viteve të ardhshme » Business Magazine Albania – Media Dixhitale dedikuar Sipërmarrjes
Përditësuar së fundmi: 16/10/2019

Rikthehet vëmendja tek Venus. 4 misione gjatë viteve të ardhshme

Share
nga Admin
Tet 16, 2019
Business Magazine Albania constitutes an online periodical publication of business related articles. It is the first of
lexo me teper >

Shkenca rikthen vëmendjen tek planeti Venus, pasi katër agjenci hapsinore në botë kanë programuar misione në këtë drejtim. Agjencia Hapësinore Indiane (në vitin 2023), NASA, ESA europiane dhe agjencia ruse, Roscosmos.

Në këtë planet janë dërguar deri më sot vetëm 2 sonda hapësinore shumë vite më parë. Pengesë bëhen kushtet shumë të vështira në Venus, si temperatura 470 gradë Celcius, presioni atmosferik 90 herë më i lartë se në Tokë dhe qielli i mbuluar nga re me acid sulfurik.

Por, njëkohësisht edhe arsyet për eksplorim janë të forta. Shkencëtarët mendojnë se Venusi është planet shumë i ngjashëm me Tokën, sa i përket dimensionit, dendësisë dhe karakteristikave kimike.

Studimet tregojnë gjithashtu se ky planet ka qenë i pasur me ujë e oqeane për rreth 3 miliardë vjet dhe më pas diçka ndodhi që e shndërroi. Adriana Ocampo, drejtuese e programeve shkencore të NASA, mendon se është i rëndësishëm fokusimi në studimin e Venusit (Afërditës), pasi do zbuloheshin arsyet e zhvillimit të jetës në Tokë, por edhe shumë mistere të tjera ndërplanetare.

Lexo: NASA hap stacionin e hapësirës për misionet private të astronautëve

Sipas shkencëtarëve, në Mars ku janë përqendruar edhe shumica e studimeve të deritanishme nga njeriu, ka pasur ujë për vetëm 430 milionë vjet, ndërkohë që tek Venusi për miliarda vite.

Sonda indiane, e cila do të jetë e para që do të niset pritet të sigurojnë një panoramë të detajuar të sipërfaqes së planetit. Objektiv i kërkimit është edhe verifikimi nëse po zhvillohet një aktivitet tektonik, bazik për krijimin e jetës.

Space