Rikthehet bitcoin, duke tejkaluar 44 mijë USD - Business Magazine Albania

Rikthehet bitcoin, duke tejkaluar 44 mijë USD

Bitcoin është ngjitur sërish në mbi 44 mijë dollarë. Kjo pasi në treg është rikthyer diskutimi për miratimin e fondeve ETF në Shtetet e Bashkuara. Sipas tregjeve, ky komision duhet të miratojë ETF-të e para në bitcoin brenda kësaj jave dhe mund të kenë një ndikim të rëndësishëm në çmimin dhe adoptimin e kriptomonedhave.

Tregu i kriptomonedhave është kthyer në rritje në orët e pasdites, ndërsa investitorët po presin vendimin e Komisionit të Letrave me Vlerë dhe Shkëmbimeve në lidhje me miratimin e ETF-ve të para në bitcoin. ETF-të janë Fonde të Tregtuara në Shkëmbim që ndjekin ecurinë e çmimit të një aseti të caktuar dhe i japin mundësinë investitorëve tradicionalë të investojnë në tregun e kriptomonedhave nëpërmjet tregjeve të rregulluara. Vendimi që pritet të merret në fillim të javës së ardhshme mund të ketë një ndikim të rëndësishëm në çmimin dhe adoptimin e Bitcoin dhe kriptomonedhave të tjera.

Dhe ndërkohë që tregu pret vendimin, zotëruesit e mëdhenj të kriptomonedhave, ose siç njihen ndryshe si “balena”, kanë bërë lëvizje të mëdha në këtë treg, sidomos në Bitcoin (BTC), Ethereum (ETH) dhe Dogecoin (DOGE). Në anën tjetër, spekulimet në mediat sociale kanë arritur kulmin, pasi janë shtuar zërat se Komisioni i Letrave me Vlerë mund të autorizojë një fond të tregtuar në këmbim brenda kësaj jave.

Shefi Ligjor i Grayscale, Craig Salm, shkroi në X se “po plotësonte disa formularë”, gjë që ndezi spekulime se miratimi mund të vinte më shpejt se data 10 janar. Një tjetër zhvillim befasues ishte edhe tërheqja e më shumë se 1 miliard dollarëve nga platforma Kraken dje dhe sot.

Tërheqjet që varionin nga 400 deri në 1,000 BTC për transaksion, morën vëmendjen e vëzhguesve të industrisë për shkak të shkallës së tyre të madhe. Në total, bazuar në të dhënat, u zhvilluan mbi 40 transaksione të tilla, duke nxitur spekulime dhe diskutime brenda hapësirës së kriptove. Analistët shprehen se këto fonde janë tërhequr për t’u investuar në fondet ETF, sapo të miratohen nga Komisioni i Letrave me Vlerë dhe Shkëmbimeve

FXstreet

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0