Rikthehet Albanian ICT Awards, 4 qershori afati i fundit i aplikimeve

Rikthehet Albanian ICT Awards, 4 qershori afati i fundit i aplikimeve

t Albanian ICT Awards

Gara mbarëkombëtare e inovacionit dhe teknologjisë Albanian ICT Awards, njoftoi se afati i fundit i aplikimeve për edicionin e 8-të do të jetë data 4 qershor.

Vendimi për të vijuar me organizimin e këtij edicioni, qëndron me vlerat dhe aspiratat e shtëpisë botuese ICTSmedia e ICT Awards, të mbështetjes së inovatorëve, sipërmarrësve, shpirtit krijues shqipfolës dhe entuziazmit të të rinjve të apasionuar në fushën e teknologjisë të sfiduar sot si kurrë më parë.

Në përgjigje të masave të marra nga qeveria Shqiptare për të garantuar sigurinë dhe jetën e çdo qytetari si në çdo vend të botës, ICT Awards ndërpreu të gjitha takimet e aktivitetet e grupimit të njerëzve në kuadër të masave të Covid-19.

Ekipi drejtues mori vendimin për shtyrjen e aplikimeve në një afat të dytë, datën 17 prill nga 27 mars që ishte parashikuar me hapjen e edicionit të 8-të.

Aplikimet vijuan të mbërrinin pranë ICT Awards gjatë kësaj periudhe duke i dhënë shpresë organizatorëve se Mbrëmja Gala e këtij viti do të ketë shkëlqimin e fortë të çdo viti.

Me mbylljen e aplikimeve në 4 qershor i hapet rruga fazës së dytë të vlerësimit të projekteve të mbërritura nga juria e ICT Awards. Juria e ICT Awards do të mblidhet për herë të parë më 5 qershor ndërsa në datat 19 dhe 20 qershor kandidatët e listës së ngushtë do të përballen me jurinë.

Juria e Albanian ICT Awards do të bëhet publike në ditët në vijim.

Albanian ICT Awards mbetet e përkushtuar në respektimin me rigorozitetin më të lartë të masave të ndërmarra nga qeveria Shqiptare në kuadër të COVID-19 dhe situatës së gjendjes së jashtëzakonshme e shpallur deri më 23 qershor. Ekipi organizativ ka vendosur bërjen publike të datës kur do të organizohet mbrëmja Gala në njoftim të dytë në respektim të afateve të parashikuara nga autoritetet Shqiptare.

Që kur kjo garë hodhi hapin e parë janë vlerësuar nga juria mbi 1,000 projekte të fushave dhe kategorive të ndryshme e mbi 200 prej tyre janë vlerësuar në detaje e shpërblyer.

Edicioni i 8-të hapi siparin më 7 Shkurt në Tiranë ku morën pjesë mëse 150 të ftuar si profesorë, studentë, përfaqësues së botës së biznesit dhe sipërmarrjes, anëtarë të ekosistemit të startupeve e të ftuar specialë.

Startupet fituese të dala nga Albanian ICT Awards kanë korrur suksese jo vetëm në hapësirën shqipfolëse por edhe mbarë botërore.

Këtë vit aplikimet janë organizuar në 8 kategori: ICT Startupi i VititICT Inovacioni i VititICT Diploma e VititICT Ylli në NgritjeICT Shërbimi Publik i VititICT Siguri Kibernetike dhe Gruaja në ICT.

Komuniteti i ICT Awards duke demonstruar entuziazëm individual dhe kontribut e bashkëpunim kolektiv, aktivitete të tilla kanë prodhuar inovacione në një kohë të shkurtër dhe janë shndërruar në hapësira ku inkurajohet kreativiteti dixhital dhe rekrutohen talente të reja.

Edicioni i 8-të i ICT Awards gëzon mbështetjen e dhjetërave sponsorëve, disa prej tyre tradicionalë si Fondacioni Dritan HoxhaBanka Raiffeisen dhe Albvision. Ambasada Britanike, Albsoft, Vodafone, Facilization, Universiteti Metropolitan, Riinvest, UBT, AUK, Gjirafa, Soft&Solutions, kanë ofruar mbështetjen e tyre për këtë edicion.

Për çdo informacion të fundit rreth garës, kritereve aplikimit ju ftojmë të vizitoni faqen zyrtare https://ictawards.org/2019/ dhe faqen në Facebook: https://www.facebook.com/ictawards.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0