Rikthehen studentët në auditore. Nis viti i ri akademik - Business Magazine Albania

Rikthehen studentët në auditore. Nis viti i ri akademik

auditore

Ditën e sotme ka nisur viti i ri akademik, i cili gjen studentët në auditore. Këtë vit mësimi do të jetë me prani fizike në auditore me kushtin që studentët të jenë të vasksinuar ose të paraqesin nëpër universitete një test negative anti-covid. Pas shumë vështirësive të shkaktuara nga COVID-19 dhe pandemia studentët nuk do të vazhdojnë më mësimin online, por kthehen në auditor për të vijuar mësimin normalisht.

Vendimmarrja është e Ministrisë së Shëndetësisë dhe asaj të Arsimit, të cilat kanë vendosur në dispozicion të strukturave universitare qendra vaksinimi në çdo fakultet, me qëllim që programi i vaksinimit të ecë në mënyrë normale. Pikat e vaksinimit do të qëndrojnë hapur edhe në javën e parë të nisjes së vitit akademik.

Lexoni: Ministrja Kushi: Nga nesër nis mësimi pa turne, me orë të plota

Studentët e pavaksinuar duhet të paraqesin testin negativ ose një certifikatë që kanë kaluar COVID-19, ose një vërtetim nga mjeku i familjes për pamundësinë e kryerjes së vaksinës.

Një ditë më parë, rektori i Universitetit të Tiranës, Artan Hoxha, e cilësoi këtë vendim të vështirë, por të domosdoshëm, duke apeluar studentët për përgjegjësi dhe përgjegjshmëri maksimale për të vazhduar procesin e vaksinimit dhe zbatimin e masave të tjera mbrojtëse ndaj koronavirusit.

Pavarësisht thirrjeve të vazhdueshme për ndërgjegjësimin e të rinjve që të vaksinohen, jo të gjithë janë të bindur për efektivitetin e saj, edhe pse e dinë rrezikun për humbjen e vitit akademik ata shpresojnë në ndryshimin e urdhrit të Ministrisë së Shëndetësisë që vaksina të mos jetë e detyrueshme për të zhvilluar mësim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0