Me planin e qeverisë për të krijuar një agjensi të posaçme për menaxhimin e rezervave të naftës, pritet që kostot dhe rrjedhimisht edhe çmimi i naftës në vend të jetë më i lartë. Nafta është edhe aktualisht produkti më i taksuar në vend, ku më shumë se gjysma e çmimit të tij përbëhet nga taksa dhe tarifa.
Një projektigj i paraqitur në Kuvend parashikon krijimin e rezervave të detyrueshme të sigurisë, rezerva që aktualisht mbahen nga kompanitë e tregtimit të naftës.
Nafta rezervë pritet të blihet dhe të menaxhohet nga Agjensia Shtetërore e Rezervave. Ngritja e Agjencisë dhe kostot e saj të mirëmbajtjes parashikohet të rrisin qoftë edhe lehtësisht çmimin e karburantit. Kjo edhe për faktin se kompanitë tregtare të karburantit nuk parashikojnë të kenë ndonjë ulje të mundshme të kostos dhe çmimit pasi t’u hiqet detyrimi për të mbajtur rezerva.
Lexo: Taksa e re mbi karburantet do të rëndojë mbi konsumatorët
Sipas ligjit aktual në fuqi, rezervat i mbajnë kompanitë tregtare, të cilat gjithsesi kanë raportuar si të tilla anijet në port, apo në mbërritje në port, ndërsa me Agjensinë, rezervat pritet të jenë stok fizik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
