Revolucioni vizual, tani mund të kërkosh çfarëdo që sheh në një short në Youtube

Imagjino të shohësh një video të shkurtër në YouTube, një Shorts që të rrëmben me pamje nga një qytet misterioz, një kafshë e rrallë apo një veshje që të bën të pyesësh: “Ku është kjo?”, “Çfarë lule është kjo?”, “Ku ta blej këtë fustan?”. Tani, nuk do të mbetesh më me kureshtje: YouTube ka vendosur të bëjë ekranin tënd më inteligjent!

Me funksionin më të ri Lens për Shorts, YouTube kombinon magjinë vizuale me fuqinë e kërkimit. Në vend që të komentosh “anyone knows where this is?” poshtë një videoje, tani mund ta kërkosh menjëherë me një klikim.

Lexo gjithashtu: A duhet t’i lëmë punonjësit të flenë gjatë orarit të punës? Po, dhe ja pse kjo është një ide e zgjuar biznesi

Si funksionon?

Në aplikacionin e YouTube për celular, kur shikon një Short, mjafton ta ndalosh për një moment, të klikosh butonin Lens që do të shfaqet në menynë e sipërme, dhe pastaj mund të:
rrethosh,
theksohsh ose
prekësh objektin që të intereson në ekran.

YouTube do të të japë rezultate vizuale të menjëhershme dhe informacion përkatës. Më e bukura? Mund të kthehesh direkt te videoja që po shihje, pa humbur asgjë!

Ky funksion vjen në linjë me zgjerimin e përdorimit të Google Lens, i cili tashmë kërkon edhe përmes videove dhe ndihmon për të bërë blerje më të zgjuara në dyqane. Por ajo që e bën këtë risi të veçantë, është fakti që ajo nuk përdor teknologji për njohjen biometrike të fytyrave, kështu, privatësia mbetet një prioritet.

Gjatë fazës së testimit, Lens në Shorts nuk do të tregojë reklama, dhe gjithashtu nuk do të funksionojë në videot që kanë lidhje affiliate për blerje, një vendim që tregon se YouTube dëshiron ta testojë fillimisht vlerën edukative dhe teknologjike të kësaj risi, përpara komercializimit.

The verge