Volvo EX30 i ri është prezantuar së fundi si SUV-i më i vogël i krijuar deri më sot nga kompania suedeze dhe vjen me një çmim konkurues.
Kjo makinë është projektuar që të ketë gjurmën më të vogël të CO2 të çdo makine Volvo deri më sot dhe për ta bërë jetën e njerëzve më të sigurt, më të përshtatshme dhe më të këndshme, nëpërmjet teknologjisë së fundit dhe dizajnit skandinav.
“Me Volvo EX30, ne synojmë të sjellim lëvizshmëri premium, plotësisht elektrike për një audiencë shumë më të gjerë, duke ndihmuar në avancimin dhe përshpejtimin e tranzicionit drejt elektrifikimit të plotë, për të cilin industria dhe shoqëria jonë kanë nevojë”, u shpreh Jim Rowan, CEO i Volvo.
Teknologji më e fundit e baterive që u përshtatet nevojave tuaja
Nëse ju jeni nga ato persona që shpenzoni shumicën e kohës në qytet ose udhëtoni distanca të shkurtra, Volvo ofron një makinë me një motor me bateri LFP (Standard range battery), prodhimi i së cilës ka një kosto më të vogël dhe përdor më pak resurse të rralla, duke e bërë këtë opsion më të mirin për ju nëse nuk keni nevojë për një autonomi maksimale.
Nëse ju preferoni autonominë maksimale, Volvo ofron dhe një variant me një motor Extended Range me bateri NMC e përbërë nga litiumi, nikeli, mangani dhe kobalti, duke prodhuar energji në mënyrë më efiçiente se varianti LFP. Ky motor Extended Range ju ofron autonomi deri në 480km me një karikim të plotë.
Lexo: Spotify planifikon një plan më të shtrenjtë abonimi
EX30 është dizenjuar për të patur kontributin më të vogël në emëtimin e CO2 nga të gjitha makinat e tjera Volvo të prodhuara deri më sot, dhe përfaqëson një hap të rëndësishëm para drejt ambicieve të kompanisë. Duke ulur emëtimet e Co2 në të gjithë linjën e prodhimit, duke marrë këtu në konsideratë dhe materialet e përdorura, Volvo arriti të ulte emëtimet totale të karbonit për 200,000 km nën 30 ton.
EX30 është projektuar gjithashtu për të qenë aq i sigurt sa do të prisni nga një makinë Volvo dhe synon të kujdeset për ju dhe të tjerët në mjedise urbane plot tension. Për shembull, ai përfshin një veçori të posaçme sigurie për biçikletat që ndihmon në parandalimin e të ashtuquajturave aksidente të “derës”, duke ju paralajmëruar kur jeni gati të hapni derën përpara një çiklisti, skuteri ose vrapuesi. Teknologjia më e fundit e sigurisë mbrojtëse ilustron më tej se si ne kemi zbatuar standardet tona të larta të sigurisë për EX30.
Për më shumë informacion rreth SUV-it më të vogël të ri EX30, ju mund të kontaktoni në faqen zyrtare volvocaralbania
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto