Resto.al platforma që sjell restorantin në shtëpinë tuaj

Resto.al platforma që sjell restorantin në shtëpinë tuaj


Niogret Sinaj është vetëm 22 vjeç. Dy vitë më parë ai ka ndërtuar platformën e tij Resto.al. Platforma mundëson porositjen e ushqimit online nga shtëpia dhe tek cilido restorant që dëshironi.

Fillimisht kjo patformë quhej pizzeria.al, pasi fokusi i saj ishin vetëm piceritë, por me kalimin e kohës, Niogreti mendoi të regjistronte në platformën e tij edhe disa nga restorantet më të pëlqyera për klientët. “Doja të krijoja një komunitet, ku çdo restorant të ishte pjesë edhe klientët të merrnin informacione rreth këtyre restoranteve. E testova për 2 vjet në Tiranë dhe qytete të tjera si Vlora, Berati, Lezha, Korça dhe Fieri duke përfshirë vetem pica”.

Ndërsa sot Resto.al është një platformë gjithëpërfshirëse, ku klienti përveçse mund të porosisë, mund edhe të japë opinionin e tij lidhur me ushqimin që konsumon dhe restoranti nga i cili e porosit. Për BusinessMag.al Niogreti thotë se këto dy vite kanë qenë eksperiment, për të parë ecurinë e platformës në vend. Gjatë gjithë kohës ai ka eksperimentuar tregun, ka parë dhe kuptuar se çfarë duan dhe pëlqejnë klientët. Gjithashtu, Niogreti është marrë vetë edhe me marketingun e platformës dhe fakti që në këto dy vite platforma ka qenë në rritje, për të do të thotë se gjërat kanë funksionuar.

Lexo: WebProm, 18 vjeçari sjell platformën online për marketing dhe “vetëpunësim”

Dy vite me investim intensiv kanë ndikuar në zhvillimin e tij personal. Së fundi ai është mbështetur edhe nga grante.

Në biznesin e tij janë të punësuar pesë persona, të cilët merren kyesisht me marketingun dhe menaxhimin e platformës. Të rinjve që nuk shohin mundësi ai u thotë se, “Nëse i kërkon mundësitë i gjen, madje edhe në një vend si Shqipëria ku të gjithë ankohen për papunësi”.

Ai synon që platforma e tij të zgjerohet dhe të operojë në të gjithë vendin. I pyetur se çfarë i nevojitet për të bërë realitet këtë plan të tijin, Niogreti thotë, “Është e gjitha çështje marketingu. Pa maketing asnjë biznes nuk ia del dot”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0