Resorti turistik nga më të mirët në rajon po ndërtohet në rivierën shqiptare - Business Magazine Albania

Resorti turistik nga më të mirët në rajon po ndërtohet në rivierën shqiptare


“Green Coast Luxury Resort”, i gjendur në Palasë, Himarë, po ndërtohet në një sipërfaqe prej më shumë së 18 hektarësh, pranë parkut Kombëtar të Llogarasë, si i pari dhe i vetmi resort i këtij lloji në Shqipëri, i cili kombinon banimin dhe turizmin duke ofruar vila dhe apartamente në sipërfaqe të ndryshme për shitje, si dhe një hotel me rreth 120 dhoma në standard me 5 yje, me një vlere rreth 52 milionë euro.

Ky projekt vjen si një nga projektet më të mëdha dhe më të mirë në turizmin Rajonal. Green Coast, ka të gjithë elementët e një resorti me 5 yje, duke filluar që nga vendndodhja në një nga vendet më të bukura në jug të Shqipërisë, për të vijuar me stilin e veçantë arkitektonik, cilësinë e lartë të ndërtimit, menaxhimin e pronës gjatë gjithë vitit, ofrimi i shërbimeve në standard të lartë e deri tek strukturat risi për kthimin e investimit siç është programi i qiradhënies dhe investimi në bashkëpronësi.

Ndër avantazhet kryesore të këtij resorti është vendndodhja strategjike, ku përveç bukurisë së natyrës ka afërsi me pika të tjera turistike si Vlora, Dhërmiu, Jala, Saranda, Butrinti etj, vende në të cilat praktikohen akoma artizanatët dhe janë të pasura me vlera historike e kulturore. Vendndodhja e resortit jep gjithashtu mundësitë për t’u bërë pjesë e aktiviteteve të ndryshme sportive si lundrimi, zhytja, kanoe, parashutizmi apo eksplorimi i botës nënujore. Nëpërmjet strukturave të tij, resorti do të organizoje guida turistike, praktikimin e sporteve dimërore si dhe po ndërton ambiente të dedikuara sportive.

16357720_10155018010749694_659546036_o“Green Coast Luxury Resort” do të jetë funksional në 12 muaj të vitit e për këtë arsye ofron shumëllojshmëri facilitetesh si supermarket, farmaci, qendër shëndetësore , si dhe shërbimet e hotelerisë; bar- restorante, SPA & Wellness, Butler Service, parqe lojërash për fëmijët, qendër tregtare, salla konferencash, pishina dimërore dhe verore.

Në vetvete filozofia e këtij projekti është ndryshimi i mentalitetit për turizmin dhe menaxhimin e pronës, nëpërmjet ofrimit të shërbimeve të shumëllojshme, rritjes së standardit në shërbim, nëpërmjet menaxhimit profesional të pronës gjatë gjithë vitit për të plotësuar të gjitha kërkesat dhe nevojat e banorëve, implementimi i strukturave të reja për kthimin e investimit siç është programi qiradhënies apo property share, të cilat sillen për herë të parë në Shqipëri nga “Green Coast Luxury Resort”.

Për shkak të rëndësisë dhe impaktit në ekonominë dhe turizmin shqiptar,ky projekt sot gëzon edhe statusin “Investitor Strategjik me procedurë të veçantë”, me vendim të Këshillit të Ministrave. Siguria mbi pronat në këtë resort garantohet, jo vetëm nga procedurat ligjore por dhe nga emri i vetë investitorit, Grupit Balfin. Investitor i vetëm i këtij projekti, Grupi Balfin është Grupi më i madh dhe inovator i investimeve në Shqipëri dhe një ndër më të mëdhenjtë në Rajon.
“Green Coast Luxury Resort” është kthyer në një “Mikpritës” të kulturave të ndryshme duke bërë pjesë të tij banorë nga vende të ndryshme të Europës. Resorti është në proces ndërtimi dhe me ritme të përshpejtuara do të mirëpresë banorët e parë të tij në pranverën e vitit 2018.

Në Shqipërinë e bukur tashmë mund të gjejmë një destinacion turistik sipas të gjitha parametrave dhe shembujve europian, ku në çdo ditë mund të përjetohen eksperienca të veçanta. Për më shumë informacion vizitoni faqen Green Coast.

16106827_10155018010759694_1386044234_oburimi: ilirianews.mk

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0