Konkursi teknologjik për Inteligjencën Artificiale “Regional AI Hackathon 2025” do të mbahet në Shqipëri në datën 14 tetor. Lajmi e ka dhënë kryeministri Edi Rama, i cili shkruan në rrjetet sociale se “Regional AI Hackathon 2025” nuk është vetëm një event, por një sfidë reale për të krijuar ndryshim me inteligjencën artificiale.
Rama më tej thekson se të rinj, inovatorë, universitete, biznese dhe banka do të bashkojnë forcat për t’i kthyer idetë e tyre me AI në zgjidhje konkrete. “Nga shëndetësia tek qytetet “inteligjente”, arsimi dhe qëndrueshmëria, do të eksplorojmë së bashku se si AI mund të transformojë Ballkanin Perëndimor”, thekson kryeministri.
Postimi i plotë:
“Regional AI Hackathon 2025” po vjen në Shqipëri
Tiranë, Pallati i Kongreseve
14 Tetor 2025
Ky nuk është thjesht një event – është një sfidë reale për të krijuar ndryshim me inteligjencën artificiale
Të rinj, inovatorë, universitete, biznese dhe banka do të bashkojnë forcat për t’i kthyer idetë e tyre me AI në zgjidhje konkrete
Nga shëndetësia tek qytetet “inteligjente”, arsimi dhe qëndrueshmëria, do të eksplorojmë së bashku se si AI mund të transformojë Ballkanin Perëndimor
Projektet më të mira do të përzgjidhen për AI Bootcamp, (14 Tetor 2025) & Hackathon (Nëntor 2025) për të zhvilluar prototipet dhe për t’i prezantuar për financim dhe mbështetje!
Mos e humbisni këtë mundësi unike. Aplikimet mbyllen më 3 Tetor!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto