Reflektimi

Reflektimi


Anila Bashllari, trajnere
Disa mendojnë që të mësuarit do të thotë të marrësh informacion duke lexuar apo dëgjuar. Deri diku kanë të drejtë. Të tjerë mendojnë që të mësuarit vjen nga punët që bëjmë dhe eksperienca që fitojmë. Edhe këta kanë të drejtë deri diku. Personalisht mendoj që të mësuarit vjen nga vlerësimi dhe reflektimi mbi eksperiencat që kalojmë, me fjalë të tjera “Të mësuarit lidhet me të menduarit mbi atë çfarë bëjmë dhe përjetojmë si eksperiencë”.

Thuhet që eksperienca është mëma e dijes. Në fakt, eksperienca e vlerësuar është mëma e dijes. Dhe që të vlerësosh një eksperiencë do të thotë të mendosh se çfarë ke bërë mirë dhe çfarë jo, çfarë ka funksionuar dhe çfarë jo, çfarë duhet të ishte përmirësuar etj.

Lexo: Fitues të kohës në punë

Besoj tani e kuptoni se çfarë doja të thoja me fjalitë e para të këtij artikulli.
Pse mendoj kështu? Nga eksperienca e mëparshme personale, nga puna me qindra individë, studimet e ndryshme që kam ndjekur vërehet se mbi 95% e njerëzve vrapojnë në jetë pa i kushtuar kohën e duhur një proçesi shumë të rëndësishëm dhe nga i cili mësojmë shumë: REFLEKTIMI. Dhe çfarë bëjmë në vend të tij: ose vazhdojmë të vrapojmë pa e ditur se ku shkojmë, ose heqim dorë ose pendohemi dhe fajësojmë veten për çfarë kemi bërë ose jo.

Por, nëse do të ndaleshim dhe analizonim me reflektim eksperiencat e përjetuara do të mësonim shumë, veçanërisht ato eksperienca që na stresojnë mjaftueshëm duke na nxjerrë nga “zona e rehatisë”.

Studimet tregojnë që reflektimi është një faktorë kyç dhe i rëndësishëm në rritjen e nivelit të vetëdijes si dhe të mësuarit, duke përfituar nga zbatimi i tij për një kohë të gjatë.

Lexo: “Transforming Your Life”, disa mesazhe nga Anila Bashllari

Nëse nuk reflektojmë mbi eksperiencat tona, probabiliteti për të mësuar ulet dhe veçanërisht rritet shkalla e gabimeve të përsëritura apo mundësive të humbura. Kjo është arsyeja që shpesh herë gjatë trajnimeve pjesëmarrësit përgjigjen që e dinë informacionin pasi e kanë lexuar apo dëgjuar. Dhe kur i pyes për rezultatet që kanë e kuptojnë se janë larg asaj që do të dëshironin. Kjo ndodh, pasi të kesh informacion është e pamjaftueshme. Duhet ta zbatosh dhe mbi të gjitha të reflektosh mbi eksperiencat që kalon. Kaq i fuqishëm është efekti i REFLEKTIMIT, si një nga aftësitë më të rëndësishme, për ta filluar si duhet vitin 2020…

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0