U.K ka shpejtësinë më të madhe të celularëve, me një mesatare prej 26 megabit për sekondë, sipas raportit të fundit për shpejtësinë e internetit e realizuar nga kompania Akamai. Midis 62 vendeve të matura, Akamai vlerësoi se SHBA nuk është as në Top 25, me 10.7 Mbps. (SHBA renditet në vendin e dhjetë në botë për shpejtësinë mesatare të internetit me kabëll).
Matja e shpejtësisë së internetit në celular është gjithnjë e më e rëndësishme pasi celulari merr pjesën më të madhe të përdorimit tonë të përgjithshëm në internet, si dhe njerëzit gjithnjë e më shumë përdorin telefonat si burimin e tyre kryesor të internetit.
Dhe si çdokush me një smartphone e di se rrjeti 4G LTE është vetëm në disa vende. Si një vend veçanërisht i madh, nivelet e mbulimit ndryshojnë ndjeshëm në SHBA, madje brenda të njëjtit qytet, për të mos përmendur zonat rurale ku mundësitë e rrjetit janë më të kufizuara.
Telekomunikacioni amerikan është në proces të nxjerrjes së rrjeteve më të reja dhe më të shpejta, kështu që shpejtësia do të përmirësohet. Por gjithësesi teknologjitë e rrjetit si 5G janë akoma në testime.
Në përgjithësi interneti fiks është më i shpejtë se ai i lëvizshëm, pasi disa vende kanë zgjedhur t’i japin prioritet celularit. Disa vende në Azi dhe Afrikë që kishin mbetur mbrapa nga pjesa tjetër e botës në infrastrukturën e internetit fikse u fokusuan në ndërtimin e infrastrukturës së lëvizshme në vend.
Kenia, për shembull, tani ka shpejtësinë mesatare të 14-të më të shpejtë të internetit dhe është më shpejt se shpejtësia mesatare e linjës së vendit.
Burimi: recode.net
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
