Në renditjen e fundit të Financial Times për investimet e huaja, listohen kryeqytete dhe qytete të vendeve të rajonit, teksa Shqipëria mungon. Për të dytin vend radhazi, Shkupi është renditur i pari në listën e 10 qyteteve të vogla europiane të të ardhmes 2016/2017 për nga efiçenca e kostos. Ndërsa Beogradi është i teti në listën e 10 qyteteve të mëdha europiane. Shqipëria nuk ka asnjë qytet apo rajon në renditjen e “Financial Times” të këtij viti, ashtu siç nuk kishte as vitin e mëparshëm.
Kryeqytetet dhe qytetet e rajonit renditen në listën e vendeve më të mira për të investuar, me përjashtim të Shqipërisë.
Në një publikim të “Financial Times, “Qytetet dhe rajonet e të ardhmes, 2016”, kryeqytete e qytete të Maqedonisë, Serbisë, Kroacisë, Bosnjë Hercegovinës renditen si atraktivë për investime nga eficienca e kostos, ndërsa vendi ynë mungon.
Për të dytin vend radhazi, Shkupi është renditur i pari në listën e 10 qyteteve të vogla europiane të të ardhmes 2016/2017 për nga efiçenca e kostos.
Kryeqyteti i Maqedonisë është i gjashti dhe në listën e qyteteve të vogla europiane për nga stategjia e investimeve të huaja direkte.
Stip, një tjetër qytet i Maqedonisë është gjithashtu i pari në kategorinë e efiçencës së kostos për investimet e huaja direkte, por në kategorinë e qyteteve mikro-europiane.
Burgas Province, qytet në Bullgari renditet i dyti me atraktiv per nga efiçenca e kostove, ndërkohe që edhe vendi i tretë, i katert dhe i peste mbahet serish nga qytetet bullgare.
Lista vijon me pas qytetin serb, Srem District. Ndërkohë Beogradi është i teti në listën e 10 qyteteve të mëdha europiane për nga efiçenca e kostos.
Shqipëria nuk ka asnjë qytet apo rajon në renditjen e “Financial Times” të këtij viti, ashtu siç nuk kishte as vitin e mëparshëm.
Treguesi i efiçencës së kostos merr parasysh elementë të tillë si paga mesatare e punonjësve të kualifikuar dhe të pakualifikuar, qeraja për zyra, paga minimale, kosto e hapjes së biznesit, kosto e regjistrimit të pasurisë, kosto e lejeve të ndërtimit, çmimet e naftës, kosto e energjisë, taksat dhe të ardhurat për frymë të vendit të matura sipas fuqisë blerëse.
Për të realizuar renditen e investimeve të huaja direke, “Financial Times” mbledh të dhëna nga 481 zona në shtetet europiane në pesë kategori: potenciali ekonomik, mjedisi i punës, efiçenca e kostos, infrastruktura dhe klima e favorshme e biznesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
