Gjate zhvillimit te forumit ekonomik te Vjenes, i cili i kushtoi te henen nje konference te veçante Shqiperise, kryeminstri Edi Rama ftoi investitoret austriake te jene te pranishem ne Shqiperi me investimet e tyre, duke paraqitur mundesite dhe avantazhet e Shqiperise per te bere biznes.
Duke shprehur vetedijen per ndryshimin rrenjesor qe i nevojitet Shqiperise, kreu i qeverise tha se po punohet per te hedhur bazat e nje zhvillimi te qendrueshem ekonomik, ne bashkepunim edhe me institucionet nderkombetare si FMN.
“Aktualisht jemi edhe ne bisedime me Banken Boterore, per dy kredi per politikat zhvillimore dhe per reformimin e sektorit energjitik. Me kete mbeshtetje, ne do te eliminojme ne nje kohe te shkurter borxhet e fshehura, te trasheguara dhe do te nisim gjithashtu reforma radikale ne sektoret kyç”, deklaroi Rama.
Duke theksuar rendesine qe kane per Shqiperine investimet e huaja, kreu i qeverise tha se se shpejti, me mbeshtetjen e Bankes Europiane, do te themelohet Keshilli i Investimeve, qe do sherbeje per bashkepunimin e investitoreve ne vendin tone dhe ne rajon.
Kryeministri shprehu angazhimin per te avancuar bashkepunimin ekonomik me Austrine dhe sipermarrjen austriake, u tha se investimet e huaja ne Shqiperi gjejne ate qe eshte domosdoshmeri per te miren e sipermarrjes se tij.
“Testoni vendosmerine tone dhe te vini dhe te beni biznes ne Shqiperi. Ne duhet te jemi realisht ne poziten per te bindur çdo sipermarres, qe ajo çfare ne kemi nevoje eshte jo vetem çka Shqiperia ka nevoje, por po ashtu eshte ajo çka çdo kompani qe do te vije te investoje ne Shqiperi ka si domosdoshmeri per te miren e sipermarrjes se vete”, theksoi Rama.
Ne Vjene, kryeministri Rama u takua edhe me kancelarin e Austrise, zotin Werner Faymann, i cili inkurajoi progresin e deritanishem dhe shprehu mbeshtetjen e metejshme per Shqiperine ne rrugen e saj te modernizimit dhe integrimit. Gjithashtu, kryeministri vizitoi edhe Dhomen Federale te Tregtise.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
