Qytetet më të shtrenjta në botë për të jetuar

Singapori mori vendin e parë në rankimin e bërë nga Njësia e Inteligjencës e The Economist (The Economist Intelligence Unit) për të tretin vit radhazi, i ndjekur nga Zyrihu dhe Hong Kongu.

Renditja e 10 qyteteve më të shtrenjta:
1. Singapor
2. Hong Kong
3. Zyrih
4. Gjenevë
5. Paris
6. Londër
7. Nju Jork
8. Los Anxheles
9. Seul
10. Kopenhagen
11. Çikago
12. Mineapolis
13. Uashington D.C

Studimi krahason më shumë se 400 çmime individuale të 160 produkteve dhe shërbimeve dhe normat e paqëndrueshme të kursit të këmbimit janë rritur gjatë këtij studimi.

Kjo do të thotë se edhe pse kostoja e jetesës nuk është rritur shumë në Nju Jork për njujorkezët gjatë 12 muajve të fundit, studimi do të tregojë se Nju Jorku u bë më i shtrenjtë për shkak të forcimit të dollarit, duke i rritur çmimet e të mirave dhe shërbimeve relativisht me ato të vendeve të tjera.

Në fakt, Nju Jorku u ngjit në vendin e 7-të në listë nga e 22-ta që ishte një vit më parë. Në 2011 ai renditej në vendin e 49-të dhe arriti vendin e 6-të nga 2000 në 2002. Krahasuar me Nju Jorkun, në 106 qytete të tjera kostoja e jetësës ra këtë vit, ndërsa në 16 të tjera kostoja e jetesës u rrit relativisht.

Los Angeles renditet në vendin e 8 në listë. Të tjera qytete amerikane me çmime të kripura të jetesës përfshijnë Çikago në vendin e 21-të, Uashingtonin në vendin e 26-të, Houstonin në vendin e 26-të dhe San Franciscon në vendin e 34-të.
Një gjë e rëndësishme për t’u mbajtur parasysh: Indeksi përfshin koston e të mirave shtëpiake, veshjeve, ushqimit dhe transportit, por nuk përfshin koston e strehimit. Kjo është një kosto shumë e madhe, sigurisht që mund ta bëjë këtë studim të mos ketë këtë renditje. Sido që të jetë, kjo shpjegon se pse disa qytete të shtrenjta në SHBA si San Francisco nuk renditen më lart në këtë indeks.

/Mansion Global/