Këtë ia kanë konfirmuar agjencisë Reuters disa persona që janë ngarkuar me një hetim të brendshëm të degës së Facebook, WhatsApp. Me një software spiunazhi mund të përgjoheshin smartphone-ët e viktimave. Disa viktima janë të lokalizuara në SHBA, Emiratet e Bashkuara Arabe, Bahrein, Meksikë, Pakistan dhe Indi.
Lexoni gjithashtu:
WhatsApp ka dorëzuar të martën akt-akuzën kundër firmës izraelite të software-ëve NSO Group. Kjo firmë akuzohet se ka zhvilluar një program spiunazhi dhe e ka shitur atë, duke shfrytëzuar një boshllëk sigurie në serverat e WhatsApp-it. Me këtë janë hakuar smartphone-ët e të paktën 1.400 përdoruesve. Të prekur janë edhe gazetarë dhe aktivistë të të drejtave të njeriut.
NSO kishte deklaruar më parë për akuza të tilla, se ka shitur programe spiunazhi vetëm për qeveritë që i përdorin ato në luftën kundër terrorit apo kriminalitetit. Për akuzat e reja NSO nuk ka bërë prononcim. Kreu i WhatsApp, Will Cathcart ka deklaruar se ky grup është prezantuar sikur punon në mënyrë të përgjegjshme për qeveritë. “Por ne kemi zbuluar, se më shumë se 100 gazetarë dhe aktivistë të të drejtave të njeriut në majin e kaluar kanë qenë objekt sulmi. Ky keqpërdorim duhet të marrë fund.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
