Qeveria tkurr shpenzimet, ulet kredia e biznesit për investime - Business Magazine Albania

Qeveria tkurr shpenzimet, ulet kredia e biznesit për investime


Rritja ekonomike për tremujorin e tretë të 2015-s rezultoi 2,98 për qind, kurse për 9 muajt e parë të vitit shënoi rënie duke arritur në 2,7 për qind.

Banka e Shqipërisë, në raportin e tremujorit të fundit të politikës monetare për 2015-n, vlerëson se normat më të larta të rritjes nuk kanë arritur të thithin ende kapacitetet e pashfrytëzuara në ekonomi dhe aktiviteti ekonomik mbetet poshtë nivelit potencial. Sipas Bankës të Shqipërisë, edhe për vitin 2016 rritja ekonomike parashikohet të jetë nën potencial.

Burimi kryesor i rritjes nga ana e prodhimit është sektori i shërbimeve dhe ai i ndërtimit. Nga ana e kërkesës, rritja ekonomike është mbështetur nga zgjerimi i investimeve dhe nga përmirësimi i bilancit të shkëmbimeve me jashtë. Konsumi i administratës publike ka vijuar i dobët, duke dhënë kontribut negativ me tkurrje të shpenzimeve buxhetore. Por edhe të ardhurat e mbledhura nga qeveria janë rritur ngadalë. Stimuli fiskal ka rezultuar negativ në vitin 2015.

Sipas Bankës së Shqipërisë, të ardhurat kanë shënuar një rritje pozitive gjatë vitit, duke u vlerësuar në 26.2% të PBB-së, ndërsa shpenzimet janë zvogëluar në 29.8% të prodhimit të brendshëm bruto. Shpenzimet buxhetore kanë arritur në 430.6 miliardë lekë në vitin 2015, duke u tkurrur me 1.9% krahasuar me një vit më parë. Shpenzimet për shërbimin e borxhit janë tkurrur, bashkë me zërin “shpenzime të tjera”.

Sipas Bankës së Shqipërisë, ecuria e kredisë është shfaqur e plogësht edhe në tremujorin e fundit. Te biznesi, dominues mbetet kredia për kapital qarkullues dhe jo për investime. Ndër faktorët më të spikatur në muajt tetor-nëntor vijojnë të mbeten kërkesa e dobët për financim dhe kushtet e kreditimit, të cilat raportohen të shtrënguara për bizneset e mëdha. Nga ana tjetër, politika monetare lehtësuese është reflektuar në ulje të normave të interesit dhe rritjen e kredisë në lekë.

Edhe marrja eurobondit në tregjet e jashtme ka sjellë reduktim të marrjes së borxhit nga qeveria në bankat e nivelit të dytë, duke rritur nevojën për likuiditet. Banka vlerëson që këta faktorë do të jenë të pranishëm edhe për 2016-n. Eksportet kanë shënuar rënie në naftë dhe në metale. Inflacioni vazhdon të qëndrojë nën objektivin e Bankës të Shqipërisë dhe parashikohet në nivelin 2 për qind për 2016-n.

/ACP/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0