Deputetët e të dyja kaheve në Komisionin Parlamentar të Ekonomisë kanë vendosur të ndryshojnë projektligjin e Ministrisë së Financave për rritjen e kontributeve të profesioneve të lira, të detyruar nga kundërshtitë që paraqitën grupet e interesit.
Zv.Ministrja e Financave Irena Beqiraj tha se “vendosëm që të riformulohet neni 4 i pr.ligjit ‘Për mbledhjen e kontributeve të detyrueshme të sigurimeve shoqërore dhe shëndetësore në Republikën e Shqipërisë’, të ndryshuar”. Për të shmangur paqartësitë dhe keqkuptimet, do të specifikohet se kontributet që duhen paguar nga profesionet e lira do të mbështeten deri në pagën maksimale. Kriteret për vendosjen e nivelit të kontributeve do të varen nga: lloji i profesionit, zona ku ushtrohet, eksperienca e të vetëpunësuarit, madhësia e subjektit në fjalë, paga në sektorin publik e ngjashme me profesionin në fjalë dhe statusi i zotëruesit të licensës”.
Edhe vetë kryetari i Komisionit, Erion Braçe, tha se ligji duhet të riformulohet dhe të specifikojë dhe nivelin e pagës së marrë në konsideratë për secilin profesion.
Deputeti i PD-së Sherefedin Shehu tha se ky pr.ligj është antikushtetues: I vetëpunësuarit duhet të vendosë vetë se cila pjesë do jetë pagë dhe cila do jetë fitim. Nuk mund t’ua impononi. Në të vërtetë, ju i keni vënë taksë këtij grupi profesionesh”- tha ai.
Pr.ligji u miratua me shumicë votash pasi u pranuar ndryshimet e kërkuara.
/Syri.net/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English