Qeveria “mbush” arkën e buxhetit. Mallrat e importit dhe tatimi mbi të ardhurat japin shtysën kryesore - Business Magazine Albania

Qeveria “mbush” arkën e buxhetit. Mallrat e importit dhe tatimi mbi të ardhurat japin shtysën kryesore

Buxheti

Qeveria ka tejkaluar planin e saj të të ardhurave për 9-mujorin e parë të 2021-it.  Krahasuar me një vit më parë të ardhurat kanë rritje prej 58.9 miliard lekësh, duke kapur shifrën 367 158 mld lekë. Niveli i të ardhurave është edhe më i lartë se i vitit 2019.

Dy grupet që dhanë kontribut kryesore ishin pikërisht TVSH-ja dhe akzica, nga rritja e volumit të importit,i cili ka sjellë rritje të të ardhurave 23.9 miliardë lekë ose 24.3 % më shumë krahasuar me 9 mujorin 2020.

Sa i përket mallrave kryesore që kanë hyrë në vend dhe që kanë dhënw një kontribut të madh në rritjen e të ardhurave në buxhetin e shtetit, janë produktet e importit si karburantet, cigaret, metalet dhe automjetet e përdorura.

Sipas Analizës së 60 grup mallrave, gjysmën e kontributit në totalin e të ardhurave doganore për periudhën Janar-Shtator 2021, e zënë 5 produkte dhe përkatësisht:

  • karburant importi 26.9%
  • cigaret 14.7%
  • metalet bazë dhe artikujt prej tyre 6.3%
  • automjetet e përdorura me 4.6%

Ndërkohë të ardhurat tatimore për 9-mujorin 2021 u realizuan në masën 183.4 miliardë lekë, 22.8 miliardë ose 14.2% më shumë se 9-mujori i vitit të kaluar, si dhe 2.6 miliardë lekë, ose 1.4% më shumë se plani i 9-mujorit 2021.

Sa i përket shpenzimeve të përgjithshme për periudhën 9 mujore të vitit 2021, ato arritën në rreth 403 miliard lekë me një realizim në masën 93.8 përqind të planit të periudhës, ndërsa krahasuar me të njëjtën periudhë të vitit 2020 ky zë është rezultuar 9.6 përqind më i lartë ose rreth 35.4 miliard lekë më shumë.

Niveli i deficitit për periudhën 9 mujore të vitit 2021 rezultoi në rreth 35.9 miliard lekë, ose rreth 23.6 miliardë lekë më pak se e njëjta periudhë e një viti më parë. Për periudhën 9 mujore niveli i deficitit rezulton 46 përqind e planit të periudhës prej rreth 78.05 miliardë lekë. Në terma vjetor niveli i deficitit është realizuar 33 përqind e planit vjetor fillestar dhe 29.8 përqind e planit vjetor të ndryshuar.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0