Në epokën e punës në distancë, pushimi gjatë orarit të punës është bërë gjithnjë e më i spikatur. Megjithatë, a duhet të ndiheni fajtorë që po e teproni me kohën e pushimit, edhe pse jeni duke i përmbushur përgjegjësitë tuaja? Jo domosdoshmërisht, thotë kolumnistja e këshillave për vendin e punës, Alison Green, pasi disa njerëz thjesht punojnë më shpejt.
Ndoshta është kjo “kohë joproduktive” që i bën disa edhe më efikasë dhe mbushja e ditës së tyre me punë të panevojshme mund të ndikojë negativisht në rrjedhën e tyre të punës. Nëse jeni në gjendje të kryeni mirë punën tuaj të nevojshme, thotë Green, sasia e kohës që shpenzoni duke pushuar nuk është një tregues i produktivitetit tuaj.
“Unë jam i shpejtë me shumë nga elementët e punës sime, por me të vërtetë po angazhohem në punë vetëm disa orë çdo ditë. Ndoshta tre? Maksimumi katër. Pjesën tjetër të ditës e kaloj duke shëtitur qentë e mi, duke bërë joga, duke bërë art, dremitje… thjesht aktivitete në përgjithësi. Kohët e fundit, kam filluar të pyes veten: A duhet të ndihem fajtor për gjithë këtë kohë joproduktive? Ekspertja Alison Green përgjigjet: “Ju keni zbuluar një sekret të punës që nuk flitet shpesh: disa njerëz janë shumë më të shpejtë se të tjerët. Duket sikur ju jeni një prej tyre. Nëse mund të merrni rezultatet e jashtëzakonshme, ju jeni duke arritur në tre ose katër orë në ditë, nuk keni nevojë të gjeni mënyra për të qënë më të zënë dhe më të rraskapitur, vetëm në mënyrë që të ndiheni sikur po bëni “mjaftueshëm.
Është e mundur që ajo që ju e konsideroni “kohë joproduktive” është ajo që e bën të mundur atë nivel të lartë të arritjeve. Truri juaj mund të jetë ai që funksionon mirë në flukse të shpejta të ndjekura nga periudha rimbushjeje. Dhe mund të jeni duke bërë më shumë punë gjatë kohës së pushimit nga sa e kuptoni. ; ndonjëherë, të relaksoni mendjen tuaj dhe të mos e përqendroni me vetëdije është ajo që e lejon trurin tuaj të bëjë punën e prapaskenës që çon në zgjidhje creative. Kjo është arsyeja pse të menduarit në mënyrë kreative është zakonisht më e vështirë kur je i stresuar dhe tërhiqesh në një milion drejtime.” – sugjeron ekspertja e punësimit./ New York Times
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
