Aeroporti i Tiranës njoftoi këtë të premte se të gjitha fluturimet për dhe nga Italia ishin anuluar për shkak të një greve që po zhvillohet në vendin fqinj nga personeli i trafikut ajror. Por në një njoftim të dytë TIA njoftoi se fluturimet për dhe nga Italia do të bëhen normalisht duke nisur nga ora 15 të ditës së sotme.
Në njoftimin fillestar përjashtim kishte vetëm për Fluturimet Ambulance, ato të kërkim shpëtimit dhe Fluturimet Humanitare
Ndërkohë në Itali dita e sotme është quajtur një e premte e zezë për transportin. Përveç grevës së personelit të trafikut ajror që ka shkaktuar numëron qindra mijëra fluturime të anuluara, edhe transporti hekurudhor do të kufizohet , bashkë me atë të autobusëve, deri në orën 20 të ditës së sotme.
Lexo edhe: Greva e kontrollorëve në Francë shkakton kaos në fluturimet evropiane
Të gjitha këto greva nga shoqatat e transporteve, kanë në thelb problemet me fuqinë punëtore, pagat, rregullimin e turneve.
Shoqatat thonë se prej kohësh i kanë adresuar kërkesat dhe shqetësimet e tyre por nuk kanë marrë përgjigje.
Në rast se ato edhe kësaj radhe nuk do të marrin një rrugëzgjidhje për kërkesat e tyre , atë herë grevat e tyre do të jenë më të shpeshta, gjë që do të sjellë më shumë probleme më qarkullimin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
