Herë si akt terrorizmi e herë si akt heroik, individët gjatë gjithë historisë kanë dhënë jetët e tyre në emër të grupit të cilit kanë qenë pjesë.
Ka sakrifica që shihen pozitivisht nga shoqëria, si psh kur dikush vendos të sakrifikojë dhe të kursejë të ardhurat për të bërë pushime. Kjo ndodh sepse kuptohet që individi po e bën këtë për të mirën e tij/saj. Por jo çdo sakrificë është vetësakrifikim. Që të konsiderohet si vetë-sakrifikim individi duhet të ketë vendosur si prioritet mirëqënien e dikujt tjetër ose një ideal të caktuar.
Po a nuk është vetë-sakrifikimi kundër çdo instinkti mbijetese që çdo qenie zotëron?!
Kur vetë-sakrifikojmë?
Vetë-sakrifikojmë në rast se e vlerësojmë diçka ose dikë më shumë sesa veten, dhe në rast se vjen momenti që na duhet të zgjedhim mes mbrojtjes së këtij personi apo ideali. Atëherë vetë-sakrifikimi është opsion në mos i pashmangshëm, definitisht në krye të listës. Por ka edhe raste që vetë-sakrifikimi vjen se identiteti i individit përzihet apo bëhet një me identitetin e grupit që i përket. Këtë mund ta shohim që nga tributë e Papua Guinesë së Re, tek myslimanët fundamentalistë, deri tek huliganët e futbollit brazilian.
Prindër që japin jetën për fëmijët e tyre, djem të rinj që japin jetën për vendin, individë që japin jetën për një kauzë të caktuar në të cilën ata besojnë, individë që bëhen donatorë organesh, individë që sakrifikohen për hir të një ideologjie apo besimi, individë që sakrifikohen për dashurinë, për familjen… të gjithë kanë historitë e tyre të veçanta dhe perspektivat e perceptimet personale që e dallon një vetë-sakrificë nga tjetra.
Herë përzier me vetë-mohim, herë përzier me vetë-vlerësim të ulët, herë me doza egoizimi, e herë pleksur me dëshirë për t’i dhënë kuptim jetës…çdo rast vetë-sakrifikimi është padiskutim unik në llojin e tij. Çdo vetë-sakrifikim bazohet tek vlerat e atij individi që e kryen ndaj nuk mund të mendojmë se çfarë është me rëndësi për ne, do të jetë me rëndësi për të gjithë…
Apo se edhe të tjerë do të vetë-sakrifikoheshin për të njëjtat ideale që ne jemi të aftë të vetë-sakrifikojmë…
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English