Mos u mundo të jesh më i miri në punë! Sekreti që shefat nuk... - Business Magazine Albania

Pse të qenit më i miri në punë nuk mjafton? Sekreti që shefat s’e tregojnë!

~4 minuta lexim

Nëse po kërkon të avancosh në karrierë, Robert Walters ka një këshillë që mund të tingëllojë ndryshe nga çfarë ke dëgjuar më parë, më mirë të synosh të jesh ndër më të mirët në vendin tënd të punës sesa të përpiqesh të jesh më i miri.

Lexo gjithashtu: “Sa muaj jetë ka startup-i juaj?” Pyetja që i bllokon shumicën e themeluesve

Walters, zëvendës-president i lartë në kompaninë AT&T, thotë se një mënyrë e tillë e të menduarit ndihmon liderët në vendin e punës të krijojnë objektiva më të arritshëm për punonjësit e tyre, pa nxitur konkurrencë të dëmshme mes kolegëve.

“Të vendosësh njerëzit në pozita ku mund të kenë sukses dhe t’u japësh atyre objektiva të vogla në rrugën e tyre siguron që ata të ndiejnë vetërealizim,” – thotë Walters.

Ai pranon se në fillimet e karrierës së tij ka ndjekur qasjen e “më të mirit”, por kur nisi të udhëhiqte ekipe, kuptoi se kjo mënyrë e të menduarit nuk funksiononte. Momenti i kthesës për të ndodhi në vitin 2011, kur ishte drejtor i planifikimit të rrjeteve dhe menaxhimit të projekteve. Kjo qasje ndikoi negativisht në marrëdhëniet me ekipin.

“Për të qenë i sinMos u mundo të jesh Nr. 1 në punë! Sekreti që shefat nuk duan ta dish…qertë, kisha më pak durim dhe nuk i kushtoja kohë ndërtimit të marrëdhënieve me ata që nuk i konsideroja si performues të lartë,” – tregon ai.
“Pastaj kuptova që nuk po rrisja nivelin mesatar të performancës së ekipit.”

Pas ndryshimit të qasjes, ai thotë se ekipi arriti rezultate shumë më të mira se sa pritej.

“Shumica e gjërave realizohen nëpërmjet punës së përbashkët,” – thotë Walters.
“Në vend që të mendoja se mund të ‘zgjidhja urinë botërore’, kuptova se si grup, mund të lëviznim të gjithë në të njëjtin drejtim.”

Edhe ekspertë të njohur si Simon Sinek ndajnë të njëjtën ide. Sinek këshillon që punonjësit të mos e fokusojnë energjinë vetëm në fitimin e çmimeve apo arritje individuale.

“Nuk ka gjë të tillë si ‘fitorja përfundimtare’,” – u shpreh ai në Forumin Botëror të Biznesit më 2023.
“Është mirë të kesh objektiva. Ndonjëherë do t’i arrish, ndonjëherë jo. Por më e rëndësishmja është, cili është vrulli yt i përditshëm?”

Sinek propozon një “mentalitet të pafund”, që do të thotë të përqendrohesh te përmirësimi i vazhdueshëm dhe afatgjatë. Çmimet dhe njohjet do të vijnë si rezultat anësor, jo si qëllim në vetvete.

Edhe Walters tani ndjek një qasje të ngjashme. Ai thotë se përqendrohet në “grumbullimin e ditëve”, pra, çdo ditë të punojë për përmirësim, sado i vogël të jetë ai.

“Qoftë progres i vogël apo i madh në një ditë të vetme, pas 10 vitesh do të kthesh kokën pas dhe do të çuditesh me sa shumë ke ecur përpara,” – thotë ai.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0