Nëqoftëse të ka ndodhur kështu, atëherë nuk je i vetmi. Këtë javë në The Verge Lizzie Plaugic rrëfeu se ishte e paaftë të gjente videon e saj të preferuar të gjimnazit në Youtube. Si shumë të tjerë që kanë patur një artikull të preferuar apo një video ka kaluar me shpejtësi në memorien tuaj, ajo thotë se nuk i kujtohet titulli i kanalit në Youtube apo i ndonjë video tjetër, thjesht detaje të vogëla, si për shembull kënga që shoqëronte klipin…
Studimet kanë treguar se Interneti luan me memorien tuaj në shumë mënyra. Si fillim, një studim në 2011 në Science tregoi se nëqoftëse ti mendon se e ke aftësinë për ta riparë një informacion me vonë, atëherë je më i predispozuar për ta harruar. Kërkime të tjera thonë se fakti që website-t nuk kanë shumë të dhëna grafike—si përshembull numra dhe vendodhjen e paragrafit—si librat apo tekste të ndryshme, bën që ti të harrosh atë çfarë ke kërkuar në Internet. Dhe sikur të mos mjaftonte kjo shtimi i faqeve te lëvizëshme apo video-ve të shkurtra, na e bën më të lehtë të harrojmë gjithçka dhe të humbasim në detin e informacionve.
‘’Tag-et, thumbnails, a
po titujt e shkurtër që shfaqen kudo, të vështirësojnë më shumë punën,’’ pohon Plaugic.
Tani, e vetmja mënyrë për ta parë më vonë përmbajtjen e dëshiruar është ta ruash atë në një vendndodhje tjtër. Kjo jo vetëm që lehtëson mënyrën për të ndjekur informacionin, por gjithashtu ndihmon në përmirësimin e memories.
Në një studim të bërë në vitin 2015, kërkimet e Universitetit të Kalifornisë Santa Cruz dolën në përfundimin se njrëzit që e ruanin një informacion përpara se të largoheshin nga faqja në të cilën ndodheshin , ishin në gjendje të kujtonin përmbajtjen e atij informacioni.
Gjithashtu, e vlefshme mund të jetë dhe një metodë e vjetër, si përshembull të mbash shënim fjalët kyçe apo fjalë të ngjashme për të fiksuar më mirë atë që ke klikuar. Kurse zgjidhja më e lehtë do të ishte ajo e printimit të informacionit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
