Pse hapësira po bëhet një vend i rrezikshëm për të bërë biznes

Pse hapësira po bëhet një vend i rrezikshëm për të bërë biznes?


Startup-i i internetit OneWeb po planifikon të vendosë qindra satelitë të rinj në orbitën e tokës dhe themeluesi Greg Wyler dëshiron të jetë i sigurt se kjo gjë po bëhet siç duhet.

Hapësira është e mbushur me rreziqe, pasi ekzistojnë miliona pjesë të mbetura, që lëvizin në hapësirë si pasojë e udhëtimeve hapsinore në gati 50 vite dhe mungesës së rregullave për të mbajtur pastër hapësirën. OneWeb nuk dëshiron që të parashtrojë një tjetër problem siç është ai i gjërave të vjetra dhe për këtë është angazhuar t’i tërheqë satelitët pas mbarimit të punës së tyre.

Sipas kësaj kompanie, mbetjet në hapësirë janë shqetësuese aq sa edhe në tokë.

Ky problem, sipas Greg Wyler, është i njëjtë me atë të hedhjes së shisheve plastike në oqean, madje edhe i një shkalle më të lartë. Sipas një vlerësimi paraprak, dekadën e ardhshme numri i satelitëve aktivë në qiellin tonë mund të jetë më shumë se trefishi i satelitëve aktualë, pasi pritet të shtohen më shumë se 7,000 pajisje të reja. Ekspertët i tremben faktit se hapësira po mbushet gjithnjë e më shumë me njerëz dhe përplasjet mund të sjellin pasoja katastrofike. Kjo nënkupton fundin e eksplorimit shkencor, shërbimin GPS, televizionin satelitor, internetin dhe shërbimin telefonik për miliona njerëz.

Lexo:  Vizioni i Elon Musk për të ardhmen tonë në hapësirë vjen me një kosto serioze

Satelitë e OneWeb, parashikohet të kenë mjaftueshëm karburant për t’u kthyer përsëri në atmosferën e Tokës pas mbarimit të misionit. Wyler shprehet se kjo teknologji është e shtrenjtë, por duhet bërë për të qenë qytetarë më të mirë për planetin tonë. OneWeb, ka premtuar t’i tërheqë ato brenda pesë vitesh pasi të përfundojnë misionin.

Një studim i kohëve të fundit nga NASA, sugjeroi të gjithë operatorët satelitorë të aplikojnë këtë standard, pasi kjo zvogëlon rrezikun e goditjeve kataklizmike. Wyler tha se është diçka pozitive që mbështetësit e OneWeb, që përfshijnë gjigandët e korporatave si Softbank dhe Coca-Cola, kanë qenë të gatshëm të shpenzojnë para shtesë për t’u kujdesur për mirëmbajtjen e hapësirës. Kjo shërben gjithashtu edhe si një motivim biznesi. Sipas Shagun, një analist në Sky Veri, mbajtja e pastër e orbitës do të jetë thelbësore për kompanitë si OneWeb, që po investojnë miliarda në konstelacionet e tyre.

Një tjetër pikëpyetje ngrihet lidhur me investimet që do të bëjë sektori privat në shtimin e teknologjive në satelitët e tyre dhe për koston që do të ketë. Nuk do të ketë ndëshkime për kompanitë që nuk respektojnë rekomandimet e NASA-s ose udhëzimet më të lehta ndërkombëtare, ç’ka do të thotë se pastrimi nga mbetjet e satelitëve do të ketë mundësi të bëhet përgjatë 25 vitesh. Por, pyetja që mbetet pa përgjigje është: nëse do të bëhet mjaftueshëm për të shmangur katastrofën.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0