Prodhues të Shqipërisë, Kosovës dhe Maqedonisë janë grupuar nën një logo të vetme, të quajtur “Bashkimi i Prodhuesve Shqiptarë” (BPSH) organizatë që synon të krijojë një database të qartë të të gjithë prodhuesve në mbarë vendin, të jetë një zë i fortë që do të adresojë shqetësimet ndaj qeverive përkatëse, si dhe do të synojë rritjen e shkëmbimeve mes këtyre vendeve, duke qenë më konkurrues në tregjet Europiane.
Organizata dhe shoqëri që operojnë në sektorin e prodhimeve bujqësore, agro dhe industri ushqimore e me gjerë të markës “Made in Albania”, anëtare të BPSH-s, shprehen se duke qenë të bashkuar mund të mendojnë që do të jenë më të fortë dhe të jenë një zë i fuqishëm në tregjet e huaja me markën shqiptare.
Pjesëmarrës në ceremoninë e inaugurimit të organizatës “Bashkimi i Prodhuesve Shqiptar” mbrëmjen e së hënës, ishte edhe Kryeministri Edi Rama, i cili i kërkoi sipërmarrjeve të bashkëpunojnë me qeverinë për realizimin e reformave që do të reduktojnë burokracitë në veprimtarinë e tyre.
Ndër qëllimet e Organizatës “Bashkimi i Prodhuesve Shqiptar”, është t’i shërbejë të gjithë sektorit të prodhimit vendas nëpërmjet informimit të vazhdueshëm, mbështetjes në forma të ligjshme të sektorit të prodhimit, nxitjes së prodhimit vendas duke e kthyer në motorr zhvillimi për ekonominë shqiptare si dhe promovimi i markës “Made in Albania”.
burimi: javanews.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
