Microsoft Exchange dhe kalendari i Teams dolën jashtë funksionit ditën e djeshme në mbarë botën, ndërsa përdoruesit raportuan gjithashtu probleme me Outlook, duke përfshirë pamundësinë për të parë, ose dërguar email. Microsoft nuk ka zbuluar shkakun e këtyre problemeve, por deklaroi: “Ne kemi filluar zbatimin e një ndërhyrje për normalizim të situatës, që po përhapet në mjedisin e prekur.”
Kompania shtoi se, ndërkohë që rregullimi po avancon, po ndërmerren rinisje manuale në një grup makinerish që janë identifikuar si problematike, disa orë pas raportimeve për ndërprerjen e shërbimeve të Microsoft 365.
Raportet në Downdector, një faqe interneti që gjurmon ndërprerjet, se ato filluan pak para orës 8:40 të mëngjesit CET, duke raportuar më shumë se 800 raporte nga përdoruesit se shërbimet nuk po funksiononin. Microsoft u shpreh se kishte identifikuar “një ndryshim të fundit që ne besojmë se ka rezultuar në ndikim”. Por, nuk ka dhënë më shumë detaje, e as nuk ka specifikuar një arsye të saktë.
Lexo edhe: LG prezanton telefonin e parë të zgjatueshëm në botë!
“Ne kemi filluar të rikthejmë ndryshimin dhe po hetojmë se çfarë veprimesh shtesë kërkohen për të zbutur problemin”, tha kompania në një postim në platformën e mediave sociale X mëngjesin e ditës së djeshme.
Përdoruesit raportuan gjithashtu probleme me funksionimin e Outlook. Përdoruesit nga Holanda, Polonia, Franca dhe Suedia shkruan në X se kishin probleme me Outlook të Microsoft. Sipas faqes së internetit të platformës së marketingut me email, Mailmeteor, shërbimet janë prekur në mbarë botën.
“Një ndërprerje shërbimi po prek aktualisht Microsoft Outlook. U bënë më shumë se 423 raporte”, tha web-faqja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
