Një përdorues britanik, Barry Smethurst, mori një surprizë të pakëndshme kur kërkoi numrin e TransPennine Express nga AI-ja e WhatsApp dhe chatbot-i i Meta i dha një numër privat të një personi krejt të panjohur në Oxfordshire.
Duke pritur trenin që nuk po vinte, Smethurst kërkoi nga asistenti i WhatsApp një numër kontakti për kompaninë hekurudhore TransPennine Express. Chatboti, me vetëbesim të plotë, i dërgoi një numër celulari për shërbimin ndaj klientit. Por në vend të një linje zyrtare, ai mori numrin privat të një përdoruesi të panjohur rreth 270 km larg.Kur u përball me këtë gabim, AI-ja u përpoq ta shmangte temën, duke dhënë justifikime kontradiktore dhe në fund pranoi se ndoshta kishte marrë numrin nga një bazë të dhënash, gjë që më vonë e mohoi sërish. ‘Viktima’ e numrit të shpërndarë, James Gray, u shpreh i shqetësuar për rrezikun e sigurisë dhe privatësisë. Rasti ngre shqetësime për transparencën, etikën dhe besueshmërinë e inteligjencës artificiale, veçanërisht kur ajo sillet në mënyrë mashtruese për të ruajtur “besueshmërinë” e saj. Meta dhe OpenAI pranojnë sfidat dhe rreziqet e tilla si pjesë e një problemi të vazhdueshëm me “halucinacionet” e AI.
Lexo edhe: Meta sjell më në fund reklamat në WhatsApp!
Në mars, një burrë nga Norvegjia paraqiti ankesë pasi ChatGPT i tha me siguri të plotë se ishte në burg për vrasjen e dy fëmijëve të tij, një informacion plotësisht i pavërtetë. Dhe këtë muaj, një shkrimtare zbuloi se ChatGPT, ndërsa i bënte lëvdata të ekzagjeruara për “punën e saj brilante”, kishte gënjyer se kishte lexuar materialet që ajo i kishte dërguar, duke trilluar edhe citime që nuk ekzistonin. AI-ja e kishte pranuar më vonë: “Nuk është vetëm një çështje teknike, është një dështim serioz etik.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
